ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
22 декабря 2015, 15:46

Быйыл Киин электрическэй ситимнэр 50 сылларын бэлиэтииллэр


Быйыл Киин электрическэй ситимнэр 50 сылларын бэлиэтииллэр. Бу тэрилтэҕэ Томпо оройуонун энергетиктэрэ эмиэ киирсэллэр. Оройуоҥҥа Охотскай Перевоз, Тополинай, Кэскил, Новай сэлиэнньэлэрэ, Кириэс Халдьаайы сорох өттө, Ударник уонна Арыы Толоон толору, Хаандыга сороҕо СИП проводка - үс подстанция линияларыгар көһөрүлүннүлэр. Кэлэр өттүгэр линиялары былааннаахтык уларытыы барыаҕа. Ити көһүүнү түргэтэтиэххэ сөп эрээри, барыта көрүллэр үптэн тутулуктаах.

Новай, Теплай Ключ, Тополинай сэлиэнньэлэргэ 200 киловаттаах саҥа дизель-генератордар туруорулуннулар. Үчүгэйэ диэн сойутарга уонна носуостарга анаан эбии тутуулары ыыппаккын. Аҕалыахха, туруоруохха уонна холбуохха эрэ наада. Билигин оройуоҥҥа итинник 6 дизель-генератор баар. Олору, 2016 с. тохсунньу 1 күнүттэн «Сахаэнерго» бас билиитигэр биэриэхтээхтэр. Онон Томпо оройуонун электрическэй ситимнэрэ аҥаардас сетевой тэрилтэнэн хаалыаҕа.

photoByWidth&id=52752&width=1000

2001 с. Дьокуускай--Хаандыга ВЛ-110 киловольталаах линияны тутуу бүппүтэ. Хаандыгаҕа улахан распределительнэй станция туруоруллубута. ЦЭС кытта биир уопсай линияҕа холбоммуппут. Онон электроэнергия Дьокуускайтан кэлэр буолбута. 2001 с. линияны тутуу салгыы ыытыллыбыта, бастаан Дьабарыкы Хайа бөһүөлэгэр, онтон Новай сэлиэнньэтигэр диэри тардыллыбыта. Теплай Ключ сэлиэнньэтигэр диэри ВЛ-35 линия тутуута былааннанар. Нежданинскай уонна Үөһээ Мэҥкэчэ курдук бөдөҥ сир баайдаах полигоннарга тиийиэхтээх.

Виктор Гончаров Томпо оройуонун энергетиктэрин тэрилтэтин начальнигынан 2008 с. ыла үлэлиир. Коллектив түмсүүлээх, иллээх, 126 киһи үлэлиир. Специалистэр үксүлэрин ыстааһа 20-30 сыл. Үлэ ыарахан, араас моһоллору кытта сибээстээх, сороҕор тымныыга үлэлииллэр. Ол эрээри коллектив бастайааннай. Үлэһиттэр квалификацияларыгар ирдэбил үрдүк, салалта эрэ буолбакка, бүтүн электротехническай персонал сыл ахсын экзаменынан хабыллар.

photoByWidth&id=52753&width=1000

Электромонтердар биригээдэлэригэр 13 киһи үлэлиир. Маастар Вячеслав Иванов 12 сыл, 4-с разрядтаах Сергей Кузнецов, 3-с разрядтаах Юрий Подымахин 13-түү сыл стажтаахтар. Электромонтердарга элбэх эдэр үлэһит баар. Ол курдук Алексей Ковалев оскуола кэнниттэн убайа Сергей үлэлиир тэрилтэтигэр киирбит, 2 сыл үлэлээн 3-с разрядтаммыт. Ол быыһыгар армияҕа ыҥырыллан Владивосток куоракка салгыннааҕы байыаннай күүстэргэ сулууспалаабыт. Билигин Алексей Томпо энергетиктэрин тэрилтэтигэр эрэ буолбакка, 1500 киһи үлэлиир Киин электрическэй ситимнэргэ саамай эдэр үлэһит.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 599 Источник: ЯСИА Автор: Евдокия Неустроева Изображение: Евдокия Неустроева Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ