- Онно «Чолбон» сурунаал редакциятыттан суруйааччылар Данил Макеев, Гаврил Андросов уонна Уйбаан Ойуур ыҥырыллан кыттыыны ыллылар.
- Суруйааччылар бастаан саҥа тутулла турар таас оскуолаҕа сырыттылар. Онтон Павловскай орто оскуолатын үөрэнээччилэригэр ыалдьыттаан, айар үлэлэрин туһунан кэпсээтилэр, хоһоон аахтылар, ыйытыыларыгар эппиэттээтилэр, кинигэлэрин бэлэхтээтилэр.
- Күнүстэн киэһэ кулуупка буолбут литературнай биэчэри нэһилиэк баһылыгын солбуйааччы Владислав Старостин эҕэрдэ тылынан аста. Дьоҕурдаах ааптардар элбээн эрэллэриттэн үөрэрин эттэ, кэлбит ыалдьыт суруйааччыларга махтанна уонна өйдөбүнньүк бэлэх туттарда.
- Бэртээхэй айымньыларынан дьоннорун-сэргэлэрин үөрдэр ааптардарга: Егор Самсоновка, Николай Карповка, Василий Оконешниковка, Матрена Шишигинаҕа, Надежда Санниковаҕа, Николай Карамзиҥҥа, Михаил Кириллиҥҥэ, Туйаара Васильеваҕа уо. д.а. махтал сурук, анал бэлэх, сибэкки туттарылынна. Уус-уран самодеятельность кыттыылаахтара ыллаан, үҥкүүлээн, хоһоон ааҕан биэчэри киэргэттилэр.
- Ыалдьыт суруйааччылар билиҥҥи литература туругун уонна айар үлэлэрин туһунан кэпсээтилэр, кинигэлэрин илии баттаан бэлэхтээтилэр.
- -- Бу курдук кэлэн, ыалдьыттаан биһигини сэргэхситэр, айар үлэбитигэр сүбэ-ама биэрэн көмөлөһөр буолуҥ, -- диэтэ ытык кырдьаҕас Николай Карпов.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети