ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
18 декабря 2015, 10:55

Литература сыла: Нөөрүктээйигэ суруйааччылар ыалдьыттаатылар


Ахсынньы 17 күнүгэр Литература сылын чэрчитинэн Мэҥэ-Хаҥалас улууһун Нөөрүктээйи нэһилиэгин салалтата сонун ис хоһоонноох тэрээһини ыытта.
photoByWidth&id=52434&width=1000
Онно «Чолбон» сурунаал редакциятыттан суруйааччылар Данил Макеев, Гаврил Андросов уонна Уйбаан Ойуур ыҥырыллан кыттыыны ыллылар.
Суруйааччылар бастаан саҥа тутулла турар таас оскуолаҕа сырыттылар. Онтон Павловскай орто оскуолатын үөрэнээччилэригэр ыалдьыттаан, айар үлэлэрин туһунан кэпсээтилэр, хоһоон аахтылар, ыйытыыларыгар эппиэттээтилэр, кинигэлэрин бэлэхтээтилэр.
Күнүстэн киэһэ кулуупка буолбут литературнай биэчэри нэһилиэк баһылыгын солбуйааччы Владислав Старостин эҕэрдэ тылынан аста. Дьоҕурдаах ааптардар элбээн эрэллэриттэн үөрэрин эттэ, кэлбит ыалдьыт суруйааччыларга махтанна уонна өйдөбүнньүк бэлэх туттарда.
photoByWidth&id=52435&width=1000
Бэртээхэй айымньыларынан дьоннорун-сэргэлэрин үөрдэр ааптардарга: Егор Самсоновка, Николай Карповка, Василий Оконешниковка, Матрена Шишигинаҕа, Надежда Санниковаҕа, Николай Карамзиҥҥа, Михаил Кириллиҥҥэ, Туйаара Васильеваҕа уо. д.а. махтал сурук, анал бэлэх, сибэкки туттарылынна. Уус-уран самодеятельность кыттыылаахтара ыллаан, үҥкүүлээн, хоһоон ааҕан биэчэри киэргэттилэр.
photoByWidth&id=52437&width=1000
Ыалдьыт суруйааччылар билиҥҥи литература туругун уонна айар үлэлэрин туһунан кэпсээтилэр, кинигэлэрин илии баттаан бэлэхтээтилэр.
-- Бу курдук кэлэн, ыалдьыттаан биһигини сэргэхситэр, айар үлэбитигэр сүбэ-ама биэрэн көмөлөһөр буолуҥ, -- диэтэ ытык кырдьаҕас Николай Карпов.
photoByWidth&id=52436&width=1000
При частичном или полном использовании материалов гиперссылка на сайт ysia.ru обязательна.
Категория: Территория Просмотров: 664 Источник: ЯСИА Автор: Иван Осипов Изображение: Иван Осипов Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ