- Ньукуучаан Алдан улууһугар Учур өрүс үөһэ баһыгар, кырдьаҕас Бута эбэҥки аҕа ууһугар көс булчут дьиэ кэргэнигэр төрөөбүтэ.
- Сүдү талааннаах эбэҥки тойуксутун репертуара олус киэҥэ, айымньыларын эбэнкилии, сахалыы тэнинэн толороро. Ол курдук, сөбүлээн «Иркисмондя-сонинг» трилогияны, «Орто дойду Торгандуна», «Хорсун-хоодуот Содани-бухатыыр», «Орто дойду бастыҥа-Дэвэлчэн» о.д.а айымньыларын олус көтөҕүллэн олорон ыллыыра-туойара диэн дьон-сэргэ ахтар-саныыр.
- Кутана олохтоохторо Ньукуучааны умнубаттар, сүдү олоҥхоһут аатыгар сүгүрүйэн нэһилиэк дьоно ыһыах ыспыттар, күһүн сэтинньигэ улахан тэрээһини былаанныыллар. Кутанаҕа кулууп иннигэр Алдан эбэ үрдүгэр быйыл саас эбэҥки норуотун күөн туттар тойуксута Н.Г.Трофимов – Ньукуучаан бэрт ырааҕы киэҥи толкуйдаан эриличчи көрөн олорор бюһун туруорбуттар.
- Саха норуодунай суруйааччылара В.М.Новиков-Күннүк Уурастыыраптыын, Н.Е.Мординов-Амма Аччыгыйын кытта алтыһан ааспыт Ньукуучаан аата саһарҕа сарпаҕын курдук Учур хаардаах хайаларын быыһынан чаҕылыйа тыгар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети