- Үбүлүөйдээх тэрээһини Нөөрүктээйи нэһилиэгин баһылыга Николай Федоров эҕэрдэ тылынан аста. Дьоҕурдаах үөрэнээччилэр элбээн иһэллэрин үөрэ бэлиэтээтэ, үбүлүөй үөрүүтүн үллэстэ кэлбит ыҥырылаах ыалдьыттарга, хас да көлүөнэ выпускниктарга махтанна уонна республикаҕа тиийэ биллэр элбэх архитектордары иитэн таһаарбыт В.Н. Оконещников аатын сүкпүт оскуолаттан инникитин даҕаны үтүө үлэһит ыччат үүнэн тахсыаҕар эрэнэрин эппитигэр ытыс тыаһа ньиргийэ түстэ.
- Чахчы даҕаны, Саха сиригэр тыыннаах киһи аатын сүгэр аҕыйах оскуола баара биллэр. Василий Николаевич айылҕаттан айдарыылаах учуутал буоларын манна кэлбит үөрэнээччилэрэ бары туоһулаатылар.
- Мин учууталбын дьиэтигэр тиийэн көрсөн кэпсэттим. Төһө да саас баттаатар, толкуйа-санаата уратыта сөхтөрдө.
- -- Саҥа оскуолаҕа мин ааппын биэрбиттэринэн киэн туттабын. Итиннэ биллэн туран, мин үөрэппит оҕолорум биллэр-көстөр үлэһит буолан сылдьаллара улахан оруолу оонньообут буолуохтаах. Үөрэнээччилэрим таһаарыылаахтык үлэлии-хамсыы, айа-тута сылдьалларыттан үөрэбин. Арай истиҥник саныыр уолум Леня Голубцов олохтон эрдэ туораабытыттан наһаа харааһынным. Үлэни да үлэлиэххэ, доруобуйаны да көрүнүөххэ наада. Салайбыт кылааһым оҕолорун туһунан кинигэ суруйар баҕалаах этим да, кыайтарбата. Баҕа санаа туолара, ол дьол. Кытаатан эрчимнээх, ситиһиилээх, дьоллоох буолуҥ,-- диэтэ Василий Николаевич.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети