Улуустааҕы ветеринарнай управление лабораториятын начальнига Руслан Слепцов, Майыар нэҺилиэгин тыатын хаҺаайыстыбатын испэсэлииҺэ Сидор Сидоров, биригэдьиир Мария Лебедева уонна табаҺыттар, барыта 12 киҺи буолан, таба ахсаанын чуолкайдаатылар, хаан ыллылар, укуол туруордулар.
Ыстаада биригэдьиирэ Мария Константиновна хараал түмүгүн кэпсээтэ:
- Бу күҺүҥҥү инвентаризация түмүгүнэн табабыт ахсаана 997 буолла. Быйылгы төрүөхпүт 177 тугут этэ. Онтон 162 тугуту тыыннаах харыстаатыбыт. Онон таба ахсаанын элбэтэн, үөрүүбүт улахан. Хамнас быйыл, хата, үрдээтэ диэн үөрэбит, кэмигэр кэлэр.
Хомойуох иҺин, табаҺыттар үлэлиир усулуобуйалара мөлтөх, кыҺыннары балааккаҕа олороллор.
Аны бөҺүөлэккэ киирдэхтэринэ, олорор дьиэлэрэ суох. Таба иитиитигэр 47 сыл олоҕун анаабыт Лебедев М.М. билигин да дьиэтэ суох, бэйэбэр олордобун.
Эдэр дьон аҥаардас тыаҕа сылдьар баһалаах буолан эрэ. сылдьаллар.
ҮҺүс сылын оҕолорго сайыҥҥы лааҕыр тэрийэбит. Быйыл сайын Роберт Жирков, Алик, Айхал Рязанскайдар, Кирилл Горохов, Илья Ефимов сүрдээх үчүгэйдик табаҺыттарга көмөлөстүлэр. ТабаҺыттар оҕолор төрөппүттэригэр махтаналлар.
Бу курдук хоту дойду, Кэбэргэнэ хоҺуун дьоно күннээҕи ыарахаттартан чаҕыйбакка, санааларын түҺэрбэккэ үлэлии-хамсыы сылдьаллар.
Комментарии
Авторизация на сайте через социальные сети