- - Быйыл ГЭС уутун ыытаннар, муус эрдэ устан, навигация икки нэдиэлэнэн эрдэлээтэ.Ол курдук, муус устар 28-тын буксирдары, ыам ыйын 5 күнүттэн плавкраннары туһаныы саҕаламмыта. Муус устубутун кэннэ, Светлейгэ, Накыыҥҥа 700 тонна таһаҕас тиэрдилиннэ. Бу күннэргэ 800 тонна тутуу матырыйаала тиэйиилээх суудуна Дьокуускайтан кэлэн сүөкэнэ турар. Өссө 550 тонна тутуу матырыйаала тиэйиилээх суудуна иһэр.
- Бүлүү өрүс уутун таһыма билиҥҥи туругунан нуорматтан 489 см үрдүк. ГЭС уутун бэс ыйын 20-гэр диэри ыытарга былаанныыр, кэлэр ыйга баҕар эмиэ ыытыа. Бэс, от ыйдарыгар навигация үлэтэ харгыһа суох барыаҕа. Оттон атырдьах ыйыгар хайдах буоларбыт көстөн иһиэ.
- Марха өттүгэр уу таһыма бэс ыйын 1 күнүнээҕинэн 929 см эбит буоллаҕына, билигин 539 см буолан нуормаҕа эппиэттиир. Маалыкай өттүгэр «Заря» теплоход 270 см ууга устуон сөп. Мантан аччаатаҕына Чуукаар өттүгэр сырыы баар буолуоҕа. Билигин «Бүлүү» ХЭО компания ыһыахтарынан сибээстээн «Заря -363» теплоходу Ньурба- Маалыкай маршрутунан нэдиэлэҕэ үстэ-түөртэ сырытыннарар. От ыйыттан расписаниенан: сэрэдэҕэ, бээтинсэҕэ, баскыһыанньаҕа сылдьар буолуоҕа. Быйыл уматык сыаната ыараабытынан, «Заряҕа» билиэт сыаната 5% үрдээн 1775 солк. буолла. Биэс сааһын туола илик оҕолор босхо айанныыллар, 5-тэн үрдүкү саастаахтар билиэт сыанатын аҥарын төлүүллэр.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети