Маны сэргэ Аммосов уулуссаҕа ититэр ситими саҥалыы тардыы, өрөмүөн ыытыллар. Аммосов уонна Кооператив уулуссалар ситимнэригэр Хатыҥ Арыытааҕы учаастак начальнига Кирилл Алексеев салайааччылаах биригээдэ көхтөөхтүк үлэлиир. Үлэни болдьоммут кэмигэр бүтэриэхпит диэн эрэннэрэллэр.
Октябрьскай, Ленин уонна Ойуунускай аатынан уулуссалар трассаларын оҥорууга субподрядчигынан Дьокуускайтан В.В. Сыромятников салайар биригээдэтэ ылсан үлэлиир.
Былааннаммыт үлэ силигин ситтэҕинэ, итиинэн хааччыллыы мантан инньэ быдан тупсар чинчилээх.
Комментарии
Авторизация на сайте через социальные сети