ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
8 сентября 2015, 17:05

«Тыам сирэ» аграрнай бырагыраама саҥалыы тыыннанар


Ил Түмэн Хонтуруоллуур кэмитиэтин бэрэссэдээтэлэ Александр Уаров салайыытынан «Биир ньыгыл Россия» партия «Тыам сирэ» аграрнай бырагырааматын caҥa производственнай-экономическай блогун бэлэмниир оробуочай хамыыһыйа уочараттаах мунньаҕа буолла.

Мунньаҕы аһарыгар Александр Уаров арҕааҥы дойдулар Россияны утары ылынар санкцияларын содулларын уонна онтон үөскээн тахсар үп-харчы кириисиһэ саҕаламмытын туһунан иһитиннэрии оҥордо. Россияҕа өрөспүүбүлүкэҕэ тыа хahаайыстыбатын сайдыытыгар инникитин ыарахаттар үөскүөхтэрин сөбүн билгэлээтэ. Кини Россия Бырабыыталыстыбата кэтэх хаһаайыстыба сүөһүтүн уонна көтөрүн ахсаанын хааччахтыыр туһунан дьаһал ылынаары бэлэмнэнэрин -- улахан стратегическай сыыһа буоларын сыаналаата.  Бу Ставрополье уонна да атын соҕурууҥу регионнар бөдөҥ агро-холдиннара бэйэлэрин интэриэстэрин эрэ көмүскээн, нэһилиэнньэ кэтэх хahаайыстыбатын утары ыытар үлэлэрин түмүгэ буолар. Саха сирин тыйыс усулуобуйатыгар олорор саха дьоно кэтэх сүөһүлээх эрэ буолан, баччааҥҥа диэри тулуктаһан кэлбитин, кэтэх хаһаайыстыба дохуотунан эрэ олорорун, оҕолор, сиэннэр үөрэхтэнэллэригэр күүс-көмө буоларын бэлиэтээтэ.

photoByWidth&id=43830&width=1000

 - Депутаттар Сунтаарга бара сырыттыбыт. Тыа сиригэр нэһилиэнньэ үп-харчы тоҕо кырыымчык буолбутун үчүгэйдик быһааран билэр эбит. Тыа сирин сайдыытыгар аналлаах үгүс этиини истэн, түмэн кэллибит. Биир түгэни бэлиэтии көрдүм: тыа дьоно хаһыаты суруттарара уонна ааҕара лаппа кыччаабыт. Сылдьыбытым тухары «Биир ньыгыл Россия» Саха сиринээҕи салаата таһаарар хаһыатын биир да нэһилиэккэ көрбөтүм. Онон партийнай хаһыаты тыа сиригэр тиэрдибэттэр дуу диэн санаа үөскүүр. Партия хаһыатын тарҕатыыга болҕомто ууруллуон наада. Дьон-сэргэ тоҕуоруһар сирдэригэр: ырыынактарга, маҕаһыыннарга дэлэччи тарҕатыахтара эбит, - диир «Биир ньыгыл Россия» Ил Түмэҥҥэ фракциятын чилиэнэ, «Тыам сирэ» аграрнай бырагыраама куратора Александр Уаров. 

«Биир ньыгыл Россия» Саха сиринээҕи салаата 30 федеральнай бырагыраама олоххо киириитигэр быһаччы кыттар, ол иһигэр Россия регионнарын ортолоругар «Тыам сирэ» биһиги соҕотох бэйэбит бырагыраамабыт буолар. Саха Өрөспүүбүлүкэтин сайдыытын биэс сыллаах былаана уонна «Саха сирин тыатын хаһаайыстыбатын сайдыытын туһунан» Сокуон ылылыннахтарына, партия политсэбиэтэ аграрнай бырагыраама саҥа редакциятын бигэргэтиэҕэ.

«Биир ньыгыл Россия» Саха сиринээҕи салаатын исполкомун отделын салайааччыта Василий Эляков хамыыһыйа чилиэннэрэ үчүгэйдик үлэлииллэрин бэлиэтээтэ уонна форумунан быһыллыбыт болдьоххо диэри хамыыһыйа үлэтин түмүктүүрүгэр эрэллээҕин биллэрдэ.

СӨ Стратегическай чинчийиилэргэ киинин салайааччытын I солбуйааччы Семен Плотников «Саха сирин тыатын хаһаайыстыбатын сайдыытын туһунан» Сокуон барылын оҥоруу туһунан билиһиннэрдэ. Бырайыак 28 ыстатыйалаах. Онно киирбитинэн нэһилиэктэргэ cүөһү ахсааныттан уонна ыһыллар бааһыналар иэннэриттэн ааҕан, зоотехник уонна агроном штаттара көрүллүөхтээх. Ол штаттары көpүү уонна хамнастарын төлөөһүн бэрээдэгэ Бырабыыталыстыба уурааҕынан быһаарыллыахтаах. Семен Николаевич бырайыагы билиһиннэрии уонна дьүүллэһии Чурапчы, Уус-Алдан уонна Бүлүү улуустарыгар ыытыллыбытын, элбэх саҥа этии киирбитин иһитиннэрдэ.

Мунньахха хамыыһыйа чилиэннэрэ «Тыам сирэ» аграрнай бырагыраама саҥа производственнай-экономическай блогун ис тутулугар сыһыаннаах этиилэри  дьүүллэстилэр уонна аныгыскы мунньаҕы Ил Түмэн күһүҥҥү сессиятын кэнниттэн ыытарга сүбэлэстилэр.

 

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 650 Источник: ЯСИА Автор: СИА Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ