Ньурбаҕа "Бүлүү ыҥырар!" форум буолла

Ньурба улууһугар "Бүлүү ыҥырар!" Бүлүү бөлөх регионнарын инвестиционнай форумнара буолла. Форум кэмигэр тутуу, коммунальнай хаһаайыстыба, энергетика, транспорт, тыа хаһаайыстыбата, дьоҕус биисинэс площадкалара үлэлээтилэр.


Дьоҕус биисинэс площадкатыгар "Пути и перспективы развития малого и среднего предпринимательства в Вилюйском макроэкономическом регионе" «төгүрүк остуол» ыытылынна. Площадканы "Биисинэс-инкубатор" генеральнай директора Михайлова Н.М. арыйда. СӨ туризмҥа уонна урбаан дьыалатын сайдыытыгар миниистирин I солбуйааччы Самсонов А.П., "СӨ Урбааны өйүүр киинэ" ГКУ генеральнай директора Седалищева З.А., СӨ "Биисинэс-инкубатор" ГБУ салайааччыта Карбушев М.Г., СӨ дьоҕус урбааны сайыннарыыга пуондатын директорын солбуйааччы Платонова Л.Р. кыттыыны ыллылар.
Дьоҕус уонна орто урбаан эйгэтигэр судаарыстыбаннай политиканы сайыннарыыга, "Бүлүү" федеральнай массыына суоллаах улуустар мустан биисинэс сайдыытыгар кэскиллэрин уонна кыһалҕаларын туһунан кэпсэттилэр. Кэпсэтиигэ Бүлүүтээҕи дьоҕус урбааны сайыннарар пуонда салайааччыта Акимов А.Я., үөһээ Бүлүүттэн ИП Иванова С.Е., Ньурбаттан "Константа" ХЭО директора, СӨ урбаанынан дьарыктанааччылар бырааптарын өйүүр тэрилтэ Ньурба оройуонугар боломуочунайа Анисимова Н.С., Сунтаартан ИП Львова Н.Г. урбааҥҥа, биисинэскэ сыһыаннаан бэйэлэрин этиилэрин оҥордулар.

Күн иккис аҥарыгар СӨ дьоҕус биисинэһи сайыннарыыга пуондатын директорын солбуйааччы Платонова Л.Р., пуонда инвестзаймҥа специалиһа Чикачев А.И. уонна Ньурба куорат бааннара: "Алмаасэргиэнбаан" (салайааччы Гуляева И.Г.), АТБ (Михайлов Л.А.), Сбербаан (Егорова О.В.), "Россельхозбаан" (менеджер Николаев Т.Н.) кыттыылаах Бүлүү эҥэр регионнарын дьоҕус биисинэс-холбоһуктарын инвестбырайыактарын билиһиннэрии буолла. Кыттааччылар бэйэтин инвестбырайыактарын көмүскээтилэр. Барыта 40 инвестиционнай бырайыак көрүлүннэ. Холобурдуур буоллахха: Ньурба куоратыгар модульнай килиэп астыыр бэкээринэ тутуута, Бүлүү улууһугар "Медвежий угол" турбаза, Күндээдэ нэһилиэгэр сауналаах баанньык өҥөтүн оҥоруу, "Алгыс" этнографическай-туристическай аралдьытар киин, Үөһээ Бүлүүтээҕи "Утум" ХЭУо тимиртэн оҥоһуктары оҥорон таһаарыыга, Ньурба куоратыгар газобетон производствотын тэрийии уо.д.а. бырайыактары көмүскээтилэр.
Биисинэс-бырайыактарын ситиһиилээхтик көмүскээбит, куонкуруһу ааспыт чай таас, кумах уонна туой хостооһунунан дьарыктанар "Тонго-ВВК" ХЭО ген. директора Васильев А.Н. (Үөһээ Бүлүү), килиэп уонна кондитерскай астары батарыыынан дьарыктанар "Колос" ХЭО салайааччыта Михайлов С.Н. (Үөһээ Бүлүү) үөрүүлээх быһыыга-майгыга СӨ дьоҕус биисинэһи сайыннарыыга пуондатын ген.директорын солбуйааччы Платонова Л.Р. кытта инвестзаёмы ылыыга дуогабар түһэристилэр.
Оттон дьоҕус биисинэскэ бииргэ үлэлэһиигэ сөбүлэһиигэ Бүлүү улууһун Эбэ сэлиэнньэтиттэн сүөһү иитиитинэн, үүт аһылыгы оҥорон таһаарыынан дьарыктанааччы урбаанньыт ИП Ионов И.И. илии баттаста.

Ньурба куораттан ИП Чупалов А.Н., Ньурба улууһун Күндээдэ нэһилиэгиттэн ИП Иванов Т.Т., Өҥөлдьө нэһилиэгиттэн ИП Васильева Н.В., Сунтаар Тойбохойуттан ИП Яковлев Е.Г., Күндээдэ нэһилиэгиттэн ИП Кураева М.М. уонна Сунтаар улууһун Күндэйэ сэлиэнньэтиттэн "Май" ХЭУо салайааччыта Ф.Е.Иванов микрозайм ылыыга дуогабарга илии баттастылар.
"Бүлүү ыҥырар!" Бүлүү регионнарын экономическай форума Ньурбаҕа ыытыллыбыта кэрэхсэбиллээх. Инники өттүгэр хамсааһын тахсыа диэн сабаҕаланар. Билиҥҥи кэмҥэ төһө да экономикаҕа кириисис бүрүүкээтэр, урбаанынан, дьоҕус биисинэһинэн дьарыктанааччыларга судаарыстыба өттүттэн өйөбүл оҥоһуллар. Дьон бэйэ дьарыктаах буоларыгар, үлэ миэстэтэ оннунан хааларыгар тоҕоостоох кэм кэллэ.