Сокуон барылын дьүүллэҺиигэ элбэх киҺи санаатын үллэҺиннэ. Ол курдук, “Ымыычаан” детсад үлэҺитэ Егорова М.Е. тыа хаҺаайыстыбатын сирдэриттэн сир учаастагын бас билиигэ ылыы төлөбүрүн олохтоохтор кыайан уйунар кыахтара суоҕун, лизинг усулуобуйатыгар сыананы чэпчэтиини, сүөҺү саха боруодатын ууҺатыыга өрөспүүбүлүкэттэн үп-харчы көрүллэрин наадатын; ОДьКХ үлэҺитэ Степанов В.С. тыа хаҺаайыстыбатыгар анаммыт уонна бултуур сирдэри учуоттуур система туҺунан; Чуукаар олохтоох Сэбиэтин депутата Семенов А.И. төрүүр-ууҺуур сүөҺү ахсааныгар көрөр-харайар ороскуоту төннөрүү, түүлээҕи мэктиэлэммит атыылаҺар сыананан туттарыы, тыа хаҺаайыстыбатын сирдэрин нүөлсүтүү үлэтин; нэҺилиэк Сэбиэтин бэрэссэдээтэлэ Кыппыгыров В.Н. олохтоох салалта тыа хаҺаайыстыбатын сайыннарыыга кыттыытын; олохтоох дьаҺалта үлэҺитэ Кириллина В.В. тыа хааайыстыбатын сирдэриттэн сир учаастагын бас билиигэ ыларга кадастровай паспорт оҥотторууга чэпчэтии туҺунан эттилэр. Киэҥ кэпсэтии, дьүүллэҺии түмүгэр, дьон этиитин боротокуолга киллэрэн туран, “ылынарга” диэн уопсай мунньах быҺаарыы таҺаарда.
12+
Комментарии
Авторизация на сайте через социальные сети