Бордоҥҥо. «Мин Сахам Сирэ XXI үйэҕэ» диэн өрөспүүбүлүкэтээҕи үтүө дьыала хамсааһына үбүлээн, эдэр спецалистарга 4 квартиралаах уопсай дьиэ тутулла турар. Цифровой телевидение вышката туран, монтажниктар кэлэн, үлэлии-хамсыы сылдьаллар. Онон Саҥа дьыл диэки цифровой ханаал көрүөхпүт диэн бордоҥнор эрэнэллэр. Маны тэҥэ, Дьокуускайдааҕы почта отделениетын кытары үлэлэһэн, олохтоохтор сир арендатын почта нөҥүө төлүүр кыахтаннылар. Бу күннэргэ түөлбэлэр спартакиадаларын мунньаҕа ыытыллыбыт. Саҥа дьылга диэри былааннарын туруорбуттар.
Маар Күөлгэ. «Ааҕар балаҕан» дьиэтэ тутулла турар. Маны тэҥэ, куонкуруска кыттан, ОДьКХ министиэристибэтиттэн сертификат ылан, нэһилиэккэ Саҥа дьылга диэри уот баҕаналара туруохтара. 60 миэстэлээх, каркаснай тииптээх оскуола тута сылдьаллар, бу күннэргэ сарайын оҥорон саҕалаатылар.
Комментарии
Авторизация на сайте через социальные сети