Юрий Трутнев субу курдук мунньахтар инникилээн иһэр сайдыы территорията үөскэтиллэр Уһук Илин регионнарыгар барыларыгар буолуохтарын мунньах саҕаланыыта эттэ.
«Инникилээн сайдар территориялары таллыбыт, нуорма-быраап аакталарын оҥордубут, онуоха сыһыаннаах РФ бырабыыталыстыбатын быһаарыылара таҕыстылар. Ити бастакы саҕалааһын биир үксүн “кумааҕы” үлэтэ эбит буоллаҕына, бырайыактары олоххо киллэрии усулуобуйатын тэрийиигэ, инфраструктураны үөскэтиигэ дьиҥнээх үлэ саҕаланыахтаах», - диэтэ Трутнев.
Инникилээн сайдар территорияларга үлэлиир тэрилтэлэргэ мэһэй, харгыс суох буолуохтааҕын Юрий Трутнев ойуччу тутан бэлиэтээтэ. «Сокуоҥҥа киирбит нолуокка уонна административнай чэпчэтиилэр туттуллубутунан барыахтаахтар. Энергетическэй уонна коммуникационнай инфраструктураны үөскэтиигэ усулуобуйа тилэри тэриллиэхтээх. Эппиэтинэс Уһук Илини сайыннарыы министиэристибэтигэр, федеральнай былаас уорганнарыгар уонна регионнар баһылыктарыгар биир тэҥ гына үллэриллэр.
Эрдэлээн иһэр сайдыыны түстүүр тэрилтэлэр дохсуннук сайдыахтаахтар. Маныаха усулуобуйа барыта тэриллиэхтээх», - диэтэ Трутнев.
Комментарии
Авторизация на сайте через социальные сети