ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
25 ноября 2015, 11:25

Булүүгэ “Идэһэ – 2015” тэрээһин иккис төгүлүн ыытылынна


Булүү улууһугар “Олонхо дьиэтэ” Духуобунас киинигэр “Идэһэ – 2015” тэрээһин иккис төгүлүн ыытылынна. Алгыс сиэрэ-туома Баай Байанайга ананна.
photoByWidth&id=50228&width=1000
Николаев В.С - Тоорукча, Васильева Д.С. оһуохай тылын дуорааннаахтык этэннэр, эдэри да, эмэни да тэбис тэҥҥэ сэниэлээхтик үктэннэрдилэр. Саха баай тыллаах оһуохайын оройуттан, эһиэкэйин эҥээриттэн туттубут.  
Булуу куорат далбар хотуттара идэһэлэринэн тугу астаабыттарын биир-биир тахсан сиһилии кэпсээтилэр, минньигэс астарыттан амсаттылар. Аныгы үйэ хаһаайкалара идэһэлэрин саҥалыы тумалаан буһарбыт ырысыаптарын үллэһиннилэр. Фомина Т.В. доруобуйаҕа туһалаах үөрэ отунан (кыа уга) тумаламмыт буһуу тайах этинэн уонна хойуу иҥэмтэлээх миининэн күндүлээтэ. 
Тыыл бэтэрээнэ Аммосова А. П. сэрии кэмигэр идэһэни көҥүллээбэттэр, күүстээх бобуу этэ диэтэ, кураанах уунан эрэ сылдьар дьон биирдэ эмит Баай Байанай бэристэҕинэ идэһэлэнэн, онон үссэнэн тыйыс кыһыны туораан, тыыннаах хаалбыттарын кэпсээтэ. «Хайдахтаах да кэмҥэ кырдьаҕас булчут булдун хас биирдии ыалга үллэрэн, дьону үөрдэрэ. Идэһэлэммит саҕа сананан, бастаан оҕолорго быартан кыра гына быһан бэрсэллэрэ, ону оҕолор талахтан уһун үтэһэ оҥорон үөлэллэрэ. Халаҕаны оһоххо сырайан, уот төлөнүгэр  үтэн сылаастыы сииллэрэ. Оо, ол онно оҕо аймах үөрүүтэ, эстибит дьон санаата көнньүөрэн  киирии-тахсыы буолара», – диэтэ сэрии оҕото, үлэ бэтэрээнэ.  
«Отуу уоттара» түмсүү айар дьоҕурдаахтара, хомоҕой хоһоонньуттара бэйэлэрэ айбыт айымньыларын доргуччу ааҕан, истээччилэрин дуоһуттулар. Үлэһит эр бэртэрэ эрэ олох кэрэтин билэн, баччаҕа диэри дьоһуннаахтык олорон кэллэхтэрэ диэн ис хоһоонноох, сырдыктан сырдыкка сирдиир, киэҥ аартыкка ыҥырар хоһооннору иһиттибит. Кыттыылаахтар туоһу суругу тутан илии тутуурдаах, өттүк харалаах үөрэн-көтөн тарҕастылар.
При частичном или полном использовании материалов гиперссылка на сайт ysia.ru обязательна.
Категория: Культура Просмотров: 602 Источник: ЯСИА Автор: Елена Протопопова Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ