салайааччылара кытыннылар.
Улууска уопсастыбаннай бэрээдэги уонна дьон быраабын көмүскүүр дьаһаллар уонна итиннэ туһаайыллыбыт үлэ хайысхаларын туһунан, уопсастыбаннай бэрээдэги көмүскүүр «Эрэл“ түмсүү бэрэссэдээтэлэ Николай Гоголев, КДН эппиэттээх сэкиритээрэ Изабелла Яковлева, суолга куттал суох буолуутун хааччыйар хамыыһыйа эппиэттээх сэкиритээрэ Василий Дьяконов иһитиннэрии оҥордулар. Владимир Прокопенко хамыыһыйалар үлэлэрин хайҕаата уонна сокуону, быраабы кэһиини аҕыйатар сыалтан профилактическай үлэни күүһүрдэллэригэр эттэ. Онтон улууска саҥа полиция дьиэтин тутар, хас нэһилиэк ахсын полиция учаастактааҕы боломуочунайын үлэлэтэр, Аммаҕа киириигэ ГАИ пуоһун туруорар туһунан этиилэр киирбиттэрин миниистир бэлиэтэннэ эрээри, эрэннэрбэтэ. Быйыл кириисиһинэн сибээстээн С© ис дьыалаҕа министиэристибэтин бүддьүөтэ 1 млрд солк. сарбыллыбытын уонна федеральнай салалта полиция штатын 10% аҕыйатар туһунан дьаһал таһаарбытын ыйда. Ол гынан баран Саха сирэ киэҥин, транспортнай систиэмэтэ барытыгар эппиэттээбэтин учуоттаан, нэһилиэнньэни кытта алтыһар штаттары сарбыйбакка оннунан хаалларар туһугар федеральнай салалта иннигэр туруорсалларын эттэ.
Салгыы ис дьыала министиэристибэтигэр тыҥаан турар соруктары сырдатта. Кэлиҥҥи кэмҥэ киһи өлүүлээх массыына сааххалын ахсаана элбээбитин ыйда. Онон бастакы сорук суолга куттал суох буолуутун хааччыйыы диэн эттэ. Маныаха С© Бырабыытылыстыбата өйөөн, өссө биир передвижной ГАИ пуоһа атыылаһыллан. үс федеральнай суолу тэҥинэн хонтуруоллуур кыахтанныбыт диэтэ. Улуустарга ГАИ сотрудниктарынан суолга куттал суох буолуутун хонтуруоллааһын уонна нэһилиэнньэҕэ сэрэтэр профилактическай тэрээһиннэр систиэмэлээхтик баралларын ыйда.
Иккис сүрүн соругунан сокуоннайа суох арыгынан эргиниини суох оҥоруу уонна итирик туруктаах сылдьан оҥоһуллар буруй ахсаанын аҕыйатыы буоларын эттэ. Дьон доруобуйатын арыгыттан көмүскүүр инниттэн, үлэ-хамнас таһаарыылаах буоларыгар, уопсай мунньах быһаарыытынан нэһилиэктэргитигэр арыгынан эргинии бобун диэн баһылыктарга этии киллэрдэ. Уопсастыбаннаһы нэһилиэктэргэ арыгынан кистээн эргинэр `туочукалары~ эппиэккэ тардыыга туора турбатыгар ыҥырда. Итиннэ даҕатан СӨ үрдүнэн арыгыттан доруобуйата айгыраабыт дьон ахсаанын аахпакка туран, итирик туруктаах сылдьан дэҥтэн-оһолтон өлүү ахсаана элбэҕэ сөхтөрдө.
¬һүс соругунан реестрга киирбит уопсастыбаннай бэрээдэги көмүскүүр ДНД дружиналарын 44 федеральнай сокуоҥҥа олоҕуран тэрийии уонна техническэй өттүнэн хааччыйыы буоларын эттэ. Ити сорук туоллаҕына ДНД дружиналара сокуон өттүнэн бырааптара кэҥиэҕэ уонна уопсастыбаннай бэрээдэги көрүүгэ полицияны кытта ыкса ситимнээхтик үлэлиэхтэрэ.
Полиция сотрудниктарын штатын ахсаана аҕыйыахтаах гынан баран, сокуону уонна быраабы көмүскүүр үлэ мөлтүө суохтаах. Итиниэхэ полиция үлэтигэр саҥа техническэй (видеосвязь, видеонаблюдение) көрүҥнэри туһаныахтара. Билигин сокуону кэһии улууссаларга, дьон бөлөхтөһөн сылдьар миэстэлэригэр үгүстүк тахсара бэлиэтэннэ. Миниистир улахан нэһилиэктэргэ видеокамералар ситимнэрин киэҥник тэнитэн туһанары ыйда.
Түмүккэ Владимир Прокопенко Амма улууһун ис дьыала отделын фольклорнай бөлөҕүн салайааччыта Анфиса Федороваҕа уонна уопсастыбаннай бэрээдэги көрүүгэ көхтөөх кыттыыларын иһин `Автозапчасти~ маҕаһыын кассира Ирина Колесоваҕа, Амма нэһилиэгин дьаһалтатын испэсэлииһэ Виктория Феоктистоваҕа, Амма бастакы нүөмэрдээх орто оскуолатын социальнай педагога Фатима Орестоваҕа, Амма улууһун суутун пристава Анатолий Стручковка, милиция бэтэрээнэ Николай Гоголевка, Амма улууһун булдун инспектора Евгений Павловка ис дьыала министиэристибэтин махтал суруктарын туттарда.
Комментарии
Авторизация на сайте через социальные сети