Фестиваль үс хайысхалаах: олоҥхону олоҕурбут ньыманнан толоруу – (биирдиилээн, бөлөҕүнэн); олоҥхону чинчийэр үлэҕэ; олоҥхо тиэмэтигэр уруһуй. Барыта 238 оҕо, 65 уһуйааччы кытынна. Күрэс кыттааччылара саастарынан үс бөлөххө наарданнылар.
«Уол оҕо – олоҥхо бухатыыра» уруһуй куонкуруһугар бөлөхтөрүгэр бастакы миэстэни ыллылар: Капитонова Алена (салайааччыта М.К. Ильина, Покровскай, «Сардаана» оҕо саада), Тихонова Настя (Тырылгин Н.Е., Хачыкаат художественнай оскуолатын үөрэнээччитэ); Корякина Вероника (Александрова Т.Г., Нөмүгү). Быйыл уруһуй күрэһэр барыта 139 оҕо, 45 учуутал кытыннылар.
Олоҥхону олоҕурбут ньыманан биирдиилээн толорооччуларга Иванов Вова (А.М. Олесова, Улахан Аан, “Кыымчаан” оҕо саада), Кононов Дима (М.Н. Васильева, Улахан Аан оскуолата) бастыҥнарынан ааттаннылар.
Олоҥхону олоҕурбут ньыманан бөлөҕүнэн толорооччуларга «Чуораанчык» оҕо саадын иитиллээччилэрэ (М.А. Егорова, А.И. Ефимова, О.П. Матвеева. Нөмүгү); “Саха тэтимэ” (Уулаах Аан оскуолата, А.Р. Заморщикова); Тиит Арыы оскуолатын фольклорга бөлөҕө (Е.Н. Ефремова) бастаатылар. Олоҥхону толорууга барыта 93 оҕо, 18 уһуйааччы кытыннылар.
Олоҥхону чинчийэр үлэҕэ бастакы миэстэ – Пермяков Спартак, Ой орто оскуолатын үөрэнээччитэ. “М.И.Саввин-Чолбон “Мүлдьүөт Бөҕө” олоҥхотугар хоһуллар сэргэлэр араастара” үлэтинэн (Л.Н. Пермякова); иккис миэстэ - Абрамов Владик, Покровскай 1 №-дээх оскуолатын үөрэнээччитэ. Е.Е.Лукин «Хаҥалас Боотур» олоҥхотун ырытыытын иһин (Т.Г. Федорова, Л.М. Горохова); үһүс миэстэ – Кононов Дима, Улахан Аан оскуолатын үөрэнээчитэ. “Олоҥхону толоруу ньымалара” үлэтинэн(М.Н. Васильева). Олоҥхону толорууга барыта 6 оҕо, 5 салайааччы кытыннылар.
Көрүү-куонкурус кыайыылаахтарыгар уонна биһирэбил ылбыт оҕолорго улуус култуураҕа управлениетын аатыттан дипломнар, махтал суруктар, туоһу суруктар, фестиваль эмблемэлээх вымпеллар, мэтээллэр туттарылыннылар. Бастыҥ уһуйааччылар Олоҥхо ыһыаҕар бэчээттэнэн тахсыбыт «Уол оҕо – олоҥхо бухатыыра» кинигэнэн биһирэннилэр.
Комментарии
Авторизация на сайте через социальные сети