- Уран тыл алыбар ылларбыт биллиилээх учуонайы, суруйааччыны чиэстээн-бочуоттаан академиктар: Юрий Григорьев, Дмитрий Саввинов, проректор Надежда Мурукучаева, доцент Гуннара Саввина, композитор Захар Степанов, суруйааччы Уйбаан Ойуур уонна Афанасий Чугунов аатын сүгэр Мэлдьэхси орто оскуолатын директора Руслан Яковлев кэлэн итии-истиҥ эҕэрдэ тылларын этэн, махтал суруктарын туттаран, ону таһынан айар дьоҕурдаах ыччаттарга сүбэ-ама биэрэн мустубут дьону улаханнык сэргэхситтилэр.
- «Чокуур» түмсүү салайааччытын айар үлэтин кытта билиһиннэрии истиҥник, долгутуулаахтык ааста. Эдэркээн студеннар автор хоһооннорун сүрдэрэ көтөҕүллэн туран ааҕан, ырыа буолбут хоһооннорун ыллаан иһитиннэрдилэр, кэрэ-нарын кыргыттар, эр бэрдэ уолаттар үҥкүүлээн тэйэн үөртүлэр.
- Афанасий Чугунов «Алаас вальса» хоһоонугар Захар Степанов мелодия айбытын кыргыттар ансаамбыллара ыллаата, имигэс пааралар вальстаан дайдылар. Оттон Мэлдьэхси орто оскуолатын үөрэнээччилэрэ анал музыкальнай композицияларын толорон дохсун ытыс тыаһынан биһирэннилэр.
- Түмүккэ Афанасий Чугунов айымньыларын сүрэхтэниитигэр кэлэн кыттыыны ылбыт ыалдьыттарга махтанна. Суруйуу диэн ыарахан идэ буоларын этэн туран, саха литературата сайдарын туһугар эдэр ыччаты көҕүлүүр наадатын ыйда. Кини салайар «Чокуур» литературнай түмсүүтэ хоһоон куонкурустарын тэрийэрин, араас тиэмэнэн биэчэрдэри ыытарын бэлиэтээтэ. Инникитин да бу таһымыттан түспэккэ айымньылаахтык үлэлииригэр эрэнэрин биллэрдэ.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети