Бу оттугу уонна арыыны туттууну 2-2,5 төгүл ыаратарга күһэйиэ.

Онон, «Даркылаах – Төхтүр» хайысхаҕа «Жигули», «Москвич», «Нива» муҥутаан 2160 солк., «Волга» (итинник ыйааһыннаах массыыналар) - 3190 солк., легковой «УАЗ» уонна «Джип» кылаастаах иномарка - 3530 солк., биэс ааннаах «Джип» иномарка - 4105 солк. буолуохтара. Пассажирдары таһыы тариба:улахан дьоҥҥо уонна 10 сааһыттан тахсыбыт оҕоҕо– 195 солкуобай, 5 — 10-гар диэри саастаах оҕолорго – 98 солкуобай, диэн СР ГКЦ-РЭК пресс-сулууспата иһитиннэрэр.

Атын таһаҕаһы тиэйии уонна транспорт туһунан сиһилии сонуннары СР ГКЦ-РЭК 2013 с. олунньу 31 күнүнээҕи 130 №-дээх дьаһалыгар билсиэххэ сөп: http://sakha.gov.ru/sites/default/files/10/files/tarify2013/prikaz130.pdf

Ити тарифтар муҥутуур сыананан быһылыннылар. Ол аата сыананы таһааччы бэйэтэ быһар, ол эрээри үөһэ этиллибит дьаһалга кииримиэн сөп, тоҕо диэтэххэ, бас билии көрүҥүттэн, ол иһигэр чааһынайдартан тутулуктаах.

«Даркылаах – Төхтүр» хайысханан пассажирдары, таһаҕаһы уонна автотранспоры туоратыы барыллаан сэтинньи 22 күнүгэр диэри күн-дьыл туругуттан көрөн ыытыллыа.

Болҕойуҥ! Бигэргэммит тарифтары кэһиини биллэххитинэ, «итии ситим» телефонунан эрийиҥ: 44-45-29.