Билигин буоллаҕына, биир сылынан үрдүкү кылааска тахсыы дневникка биир куһаҕан сыаналаах буоллаххына көҥүллэнэр.

Саҥаны киллэри төрүөтүнэн учууталлар хамнастарын саҥа систиэмэҕэ киллэрии уонна оскуолалары үбүлээһин оҕо ахсаанынан уонна үөрэҕин хаачыстыбатыттан тутулуктааҕыттан буолла. «Известия» суруйарынан, Дмитрий Ливанов ити бирикээскэ сыл бүтүөр диэри илии баттыахтаах.

«Биһиги санаабытынан, иккс сылга хаалыы оҕо уулуссаҕа хаалбатыгар кыаҕы биэриэ. Итини сэргэ үөрэнээччи уонна төрөппүт үөрэнэрин туһунан ыспараапка ылан баран, үөрэнэр тэрилтэтиттэн барар бырааптаах», — дииллэр министарствоҕа.

Итини таһынан, государственнай түмүк аттестацияны иккигэ барбыт (ГИА) 9-с кылаас үөрэнээччилэрэ, өссө биирдэ туттарар бырааптаныахтара. Бүгүҥҥү күҥҥэ ГИА-ны туттарбатахтар оскуолаттан уһуллаллар.