“Тыгын Дархан” гостиница кэмпириэнсийэлиир саалатыгар мустубут ыал ийэлэригэр Прасковья Петровна общественнай хамсааһын туһунан сырдатта.

“Үлэбит сүрүн сыалынан-соругунан дьиэ кэргэҥҥэ, оҕо аймахха өйөбүл, тирэх буолуу, ыал өбүгэ саҕаттан илдьэ кэлбит үгэһин, сиэрин-туомун харыстааһын, үүнэр көлүөнэҕэ тарҕатыы, иҥэрии буолар. Улахан болҕомто ийэ уонна оҕо доруобуйатыгар ууруллар. Онно туһаайан “Здоровая мама – здоровый ребенок” диэн бырагыраамалаахпыт. Сыл устата элбэх оҕолоох дьиэ кэргэттэргэ сүбэ-ама оҥоһулунна, нэһилиэнньэ доруобуйатын туругун бэрэбиэркэлээһин ыытылынна, Кыыс оҕо күнэ диэн олохтонно. Аҕа дойду Улуу сэриитигэр оҕолорун атаарбыт ийэлэр ааттарын үйэтитиигэ үлэ салҕанар. Онно оскуола оҕолоругар анал экспедициялар тэриллэннэр, Горнайга, Бүлүүгэ көрсүһүүлэр саҕаланнылар. Бу үлэлэр түмүктэринэн, ийэлэр барахсаттар ааттара дойдуларын сквердэригэр, болуоссаттарыгар суруллуо, -- диэн кэпсээтэ Прасковья Петровна.

Прасковья Петровна куонкуруска кыттар ийэлэргэ ситиһиилэри баҕарда, Махтал суруктары уонна сибэкки дьөрбөлөрүн туттартаата.