ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт

Похожие новости

16 февраля 2015, 10:33

Егор Борисов Саха сириттэн Москваҕа тиийэн олохсуйбут дьону кытта көрүстэ


Саха сириттэн Москваҕа тиийэн олохсуйбут дьону кытта өрөспүүбүлүкэ баһылыга Егор Борисов олунньу 12 күнүгэр көрсүбүтэ. Көрсүһүүгэ кини Саха сирин кэлиҥҥи сайдыытын, бүгүҥҥү кыһалҕаларын тустарынан кэпсээбит. Тэрээһиҥҥэ предпринимателлэр, федеральнай былаас уорганын, Россия бөдөҥ компанияларын үлэһиттэрэ, ыччат кыттыбыттар.

Егор Афанасьевич мустубут дьону кытта кэпсэтиитигэр өрөспүүбүлүкэҕэ тыа хаһаайыстыбатын бородууксуйатын оҥоруу, ону Саха сирин тас өттүгэр таһаарыы, Аллараа Бэстээхэ диэри тимир суолу тутуу, Улуу Кыайыы 70 сылыгар анаммыт тэрээһиннэр, тулаайахтар социальнай өттүнэн көмүскэллээх буолуулара кэпсэтиһии киинигэр турбут.

Мустубут дьон Өлүөнэ өрүһү туоруур муоста хаһан тутулларын туһунан ыйыталыспыттар. Онуоха Егор Афанасьевич: «Бу боппуруос миигин туохтааҕар да ордук долгутар», - диэбит. Муоста тула үөскээбит быһыыны-майгыны кини сиһилии кэпсээбит уонна тутуу өргө диэри тохтооботун бэлиэтээбит. Быйыл кулун тутарга РФ Тырааныспар министиэристибэтин кытта өссө төгүл көрсүөхтэрин, онно муостаны тутуу боппуруоһа хайаатар да көтөҕүллүөҕүн Е.Борисов эппит.

photoByWidth&id=23143&width=1000

Саха сириттэн Москваҕа тиийэн олохсуйбут дьону экономическай уустук быһыы-майгы төрөөбүт дойдуларыгар дьайыыта долгутара тута биллибит. Олорор дьиэни тутууга, ипотека кредитыгар, аһылыкка сыана үрдээһинин тула элэҕи ыйыталаспыттар, чуолкайдаспыттар.

Москваҕа олохсуйбут Саха сирин дьоно өрөспүүбүлүкэлэрин өйүүллэригэр Егор Афанасьевич ыҥырбыт. Кыра да көмө суолталааҕын кини эппит. Дойду киин куоратыгар да олорон, дойдуларыгар эргиллэн да кэлэн мунньуммут уопуттарын, билиилэрин-көрүүлэрин өрөспүүбүлүкэ сайдыытыгар туһаайалларыгар этии киллэрбит.

photoByWidth&id=23144&width=1000

Көрсүһүү кэнниттэн Москваҕа Саха сиринээҕи дьыалабыай инновационнай киини тэрийии бырайыагын билиһиннэрбиттэр. Бырайыак ааптардара этэллэринэн, бу кииҥҥэ учуонайдар, политиктар, бизнесменнэр мустан санааларын үллэстэр, саҥа саҕалааһыннарын олоххо киллэрэр сирдэринэн буолуоҕа. 

При частичном или полном использовании материалов гиперссылка на сайт ysia.ru обязательна.
Категория: Общество Просмотров: 1317 Источник: ЯСИА Автор: Егор Борисов официальнай саайтыттан Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ