2015 сылтан ыла регионнар уонна муниципалитеттар таһымнарыгар бырагыралаах бюджекка көһүү кэмэ түмүктэнэр. Ол эбэтэр, кэлэр сылтан ыла регионнар үс сылга болдьохтоммут бюджеттары ылыныахтара. Хайа эрэ диэки аһара охтуута, атыҥҥа дуона суох үбү-харчыны хаалларыыта суох бюджеттар хааччыллыылара биир тэҥ буолуохтаахтар.

Саха сирин бырабыыталыстыбата билигин үлэлиир методика өрөспүүбүлүкэ бюджета биир тэҥ буоларын хааччыйбат. Онно аҕыйах, ыраах, тэйиччи сирдэринэн бытанан олорор нэһилиэнньэлээх өрөспүүбүлүкэҕэ билиҥҥи методика аахсыбат түгэнэн элбэх. Холобур, тырааныспарынан мэһэйэ суох туһаныы дьиҥнээх коэффициена аахсыллыыбат. Итинник элбэх холобуру аҕалыахха сөп.

Егор Борисов 2016-2018 сыллардааҕы бюджет хааччыллыытын тэҥнииргэ дотацияны үллэриигэ өрөспүүбүлүкэ киллэрбит этиитин учуоттууру Антон Силуановка эттэ.