Уопсастыбаннай хамыыһыйа бэрэссэдээтэлэ, «Сахамедиа» РИИХ генеральнай дириэктэрин бастакы солбуйааччы  Афанасий Ноев стипендиат буолар туһугар олус элбэх сайаапка киирбитин, онон, быйыл бастыҥары талар уустугурбутун бэлиэтээтэ. Михаил Николаев быйылгы стипендията өрөспүүбүлүкэ учууталларыгар уонна үөрэнээччилэригэр эрэ буобакка, Саха сирин үөрэҕириитигэр кылааты киллэрбит Россия учууталларыгар, үөрэнээччилэригэр бэриллэрин кини чиҥэтэн эттэ.

Михаил Николаев стипендиятын ылбыттар ааттарыттан Санкт-Петербург математическай үөрэхтээһиҥҥэ киинин дириэктэрин солбуйааччы, «Туймаада» норуоттар икки ардыларынааҕы олимпиада жюритын чилиэнэ Александр Голованов тыл ылла: «А.Е.Кулаковскай «Саха интеллигенциятыгар суругар ураты улахан суолталаах културааны харыстааһын туһунан этиллэр. Тылы илдьэ сылдьааччылар бэйэлэрин тылларыгар үүнэр көлүнэни үөрэтэллэригэр мэһэй бүгүн суох. Бэйэтин тылын харыстыыр саха ыччата баар. Кинилэр инникитин култуураны харыстыахтара», - диэтэ

«90-с сыллар саҕаланыыларыгар каадыры бэлэмнээһиҥҥэ, үөрэхтээһини сайыннарарга элбэх үп-харчы анаммыта. Биһиги ити кэмҥэ үүнэн тахсыбыт каадырдары кытта ХХI-с үйэҕэ киирбиппит уонна күн бүгүҥҥэ диэри үлэлиибит. Бу дьаһал үтүө түмүгэ билигин биллэр», - диэтэ бырабыыталыстыба бэрэссэдээтэлин солбуйааччы  Алексей Дьячковскай уонна М.Е.Николаев стипендиятын ылбыттарга ситиһиилэри баҕарда.

Саха сирин бастакы президенэ Михаил Николаев стипендиятын лауреттарынан быйыл 7 киһи буолла: 
 
   Санкт-Петербург математическай үөрэхтээһиҥҥэ киинин дириэктэрин солбуйааччы, «Туймаада» норуоттар икки ардыларынааҕы олимпиада жюритын чилиэнэ Александр Голованов.
    Техническэй наука доктора, ХИФУ естественнэй наукалар кафедратын профессора Марина Соколова. 
     Орто Халыма орто оскуолатын научнай-методическай үлэҕэ дириэктэри солбуйааччыСемен Третьяков. 
   М.Н.Жирков аатынан Дьокуускайдааы музыкальнай колледж преподователэ Наталья Габышева. 
 Хаҥалас улууһун Өктөм лицейын 11 кылааһын үөрэнээччитэ Валентин Иванов. 
 Академик Л.В.Киренскай аатынан Амматааҕы лицей 11 кылааһын үөрэнээччитэ Альберт Попов. 
Аксинья уонна Наталья Посельскаялар ааттарынан хореографическай училище 3 курууһун студена Николай Попов.