Владимира Модосяна  салайааччылаах Россия хамаандата алта тустууктаах АХШ-гар кэллэ: Владимир Флегонтов (61 кг, Саха сирэ), Муршид Муталимов (61 кг), Шихсаид Джалилов (65 кг), Рамазан Шамсудинов (70 кг, бары — Дагестантан), Мурад Нухкадиев (65 кг, Красноярскай) уонна Павел Кривцов (125 кг, Москва уобалаһа).

Турнир түмүгүнэн Россия тустууктара уопсайа икки кыһыл көмүс уонна үс боруонса мэтээллэри ыллылар. Муршид Муталимов (61 кг) уонна Рамазан Шамсутдинов (74 кг) кыайыы көтөллөннүлэр. Владимир Флегонтов (61 кг), Шихсаид Джалилов (65 кг) уонна Павел Кривцов (125 кг) үһүс бочуоттаах миэсни ылары ситистилэр. Турнир бастыҥ тустуугунан АХШ спортсменаРичард Перри ааттанна. Кини86 кг ыйааһыҥҥа кыһыл көмүс мэтээли ылла.

«Иван Ярыгин-2014» Голден Гран-Прига үрүҥ көмүс мэтээли кээппит Владимир Флегонтов Япония бөҕөһүгэр Кен Кикучига эрэ 4:6 ахсаанынан хоттордо. Онтон атын күөн көрсүһүүлэргэ барытыгар кыайбыта.

Владимир бу бастакы ситиһиитэ буолбатах. Быйыл кулун тутарга Лос-Анджелес куоракка кини РФ сүүмэрдэммит састаабыгар киирэн аан дойду кубогар үрүҥ көмүс мэтээли ылбыта.

 Кыайыылаахтар уонна бириистээх миэстэҕэ тиксибиттэр:

57 кг

1. Джо Колон (США/Titan Mercury)

2. Ден Митчефф (США/NYAC)

3. Эндрю Хошстрассер (США/Titan Mercury)

61 кг

1. Муршид Муталимов (Россия, Дагестан)

2. Кен Кикучи (Япония)

3. Владимир Флегонтов (Россия, Саха сирэ)

65 кг

1. Джейсон Чамберлейн (США/Titan Mercury)

2. Эван Хендерсон (USA/NCRTC)

3. Шихсаид Джалилов (Россия, Дагестан)

70 кг

1. Хайслан Гарсиа (Канада)

2. Адам Холл (США/Titan Mercury)

3. Джордан Оливер (США/Sunkist Kids)

74 кг

1. Рамазан Шамсудинов (Россия, Дагестан)

2. Куинтон Годлей (США/Titan Mercury)

3. ДенВаллимонт (США/Blue and Gold)

86 кг

1. Ричард Перри (США/NYAC)

2. Дерон Уинн (США/Titan Mercury)

3. Джон Ридер (США/Sunkist Kids)

97 кг

1. Енок Франкоис (США/NYAC)

2. Манджот Сандху (Канада)

3. Метт Гибсон (США/Titan Mercury)

125 кг

1. Тайлер Фортун (США/Titan Mercury)

2. Дом Бредлей (США/Sunkist Kids)

3. Павел Кривцов (Россия, Кемерово)