Быйыл уон сэттис сылын ыытыллар түһүлгэҕэ Россияттан Омак Сюрюн (57 кг, Новосибирскай), Владимир Флегонтов (61 кг, Саха сирэ), Мурад Нухкадиев (65 кг, Красноярскай) уонна Павел Кривцов (125 кг, Москва) кытталлар. Бу бөҕөстөр төрдүөн ааспыт баскыһыанньаҕа Красноярскайга түмүктэммит Иван Ярыгин турнирыгар ыйааһыннарыгар бириистээх миэстэлэргэ кыайан киирбэтэхтэрэ.

Көбүөргэ АХШ уонна Россия тустууктарын сэргэ Аргентина, Болгария, Канада, Эквадор, Израиль, Япония, Казахстан, Кыргызстан, Мексика, Молдова, Монголия, Таджикистан, Словакия, Украина бэрэстэбиитэллэрэ тахсыахтара.

Былырыын бу күрэхтэһиигэ Россия үрүҥ көмүс призера Омак Сюрюн кыттан кыайыылааҕынан буолбута. Ол иннинэ Александр Богомоев (61 кг) уонна Георгий Гогаев (96 кг) бастыы сылдьыбыттара, оттон Владислав Габараев (86 кг) үһүс миэстэни ылбыта.