Массыына сырдатар прибордара алдьамматах-кэээммэтэх буолууларын суоппардар бэрэбиэркэлиэхтээхтэр. Тумарык кэмигэр сырдатар тэрил үлэлээбэт буоллаҕына, массыына кээмэйин утары, кэккэлии айаннаан иһээччилэр быһаарбат, көрбөт түбэлтэлэрэ элбэх. Тумарыгы утары фаралары булгуччу туттарга суолга куттал суох буолуутун хааччыйар тэрилтэ үлэһиттэрэ бэлиэтииллэр. 

Ытыктабыллаах суоппардар! Тумарык кэмигэр кэтэх массыынанан айанныыртан туттунуҥ!

Сатыы сылдьааччылар! Хараҥа таҥастаах киһи хараҥаҕа, тумарыкка массыына иһиттэн көстүбэт. Онон, уоту тэйитэр элэмиэннэри таҥаскытыгар иилинэргитигэр ыҥырабыт. Сатыы сылдьааччылар суол быраабылатын булгуччу тутууһуохтаахтар.

Массыынан айанныырга куттал суох буолуутун хааччыйар эрэмиэннэри, оҕо кириэһилэлэрин туттаргытын ГИБДД үлэһиттэрэ кытаанахтык модьуйаллар.