Бу туһунан «Р-Спорт» агенствоҕа бөҕөс тус тренерэ, ЦСКА кылаабынай тренерэ Анатолий Маргиев иһитиннэрдэ.

- Джамал Иван Ярыгин турнирыгар кыттар баҕалаах. - диэн эттэ телефонунан кэпсэтиигэ Маргиев. - Ахсынньыга Кисловодскайга үчүгэйдик үлэлээбиппит, оттон тохсунньу 7-тэн Москваҕа кэлэн эрчиллэ сылдьабыт. Красноярскайга кини 61 киилэҕэ диэри ыйааһыҥҥа тустуоҕа. Билигин ыйааһынын кыратык түһэриэн наада.

Турнирга ЦСКА-тан отучча бөҕөс кыттара былааннанар. Аан дойду чемпионнара Денис Царгуш (74 кг) уонна Сослан Рамонов (65 кг) эрчиллэ сылдьаллар эрээри, быйылгы турниры көтүтэллэрэ буолуо. Олунньу ыйга биир эмэ норуоттар икки ардыларынааҕы турнирга тустуохтара.