Кылаабынай судьуйа Григорий Сысоевы турнир туһунан кылгастык билиһиннэрэригэр көрдөстүм.

- Сылтан сыл күрэхтэһиибит географията кэҥээн, кыттааччылар ахсааннара элбээн иһэр. Турнирга Уһук Илиҥҥи регион, Бүтүн Арассыыйатааҕы турнир кыайыылаахтара, призердара кытталлар. Улахан-ааннар киэн туттар уолбут, Россия сүүмэрдэммит хамаандатын чилиэнэ Семен Степанов бу күрэхтэһииттэн үүнэн тахсыбыта,- диэтэ Григорий Григорьевич.

Кыра саастаах уолаттар тирии бэрчээкки аһыы «амтанын» билэн, буһуу-хатыы оскуолатын аастылар. Кыайыыга дьулуурдаахтар бириистээх миэстэлэргэ тигистилэр, анал биһирэбил бэлэхтэринэн бэлиэтэннилэр.

Манна олохтоохтору сэргэ Мэҥэ-Хаҥалас, Уус-Алдан, Ньурба, Горнай улуустарын эдэр боксердара туйгун бэлэмнээхтэрин көрдөрдүлэр.