Оҕону кэрэ көстүү хатыламмат түгэнигэр сыһыарар сыаллаах бырайыак саҥа саҕалаһын быһыытынан барда. Уруккуттан да үҥкүү-ырыа күрэстэрэ үгүстүк ыытыллар эбит буоллахтарына, бу бырайыак уратытынан, оҕо садын иитиллээччилэрэ уонна алын сүһүөх 9-10 саастаах оҕолоро кытыылара буолла.

«Үҥкүү түһүлгэтэ» күрэскэ хас биирдии коллектив норуот үҥкүүтэ уонна эстраднай үҥкүү диэн категорияларынан кытынна.

Кыра саастаах оҕолору үҥкүү кэрэ эйгэтигэр уһуйар сүрүн сыаллаах күрэс соругун толору ситистэ. Хас биирдии кыттааччы олус долгуйан уонна бэрт эппиэтинэстээхтик сыһыаннаһан кытынна. Төрөппүттэр да, иитээччилэр да маннык күрэс тэриллибитин сүрдээҕин биһирээтилэр.

Көрүү түмүгүнэн оҕо садтарын ортотугар Ньурба куорат «Северяночка» уһуйаана кыайыылааҕынан таҕыста, оттон алын сүһүөхтэргэ Искусство оскуолатын «Сулусчаан» оҕо үҥкүү ансаамбыла гран-при хаһаайынынан буолла.