Республика федеративнай сыһыаннаһыыларга уонна тас сибээстэргэ Министерствотын коллегиятын мунньаҕар миниистир солбуйааччыта Михаил Куликов Дальнай Восток федеральнай уокуругун экспозициятын туруорууга бэлэмнэнии туһунан кэпсээтэ.

Кини этэринэн, экспозицияны тутулла турар Формула-1 трасса трибуна анннынааҕы киэлитигэр туруоруохтара. Трасса 2017 сыллаахха үлэҕэ киириэхтээҕэ, ол эрээри олимпийскай оонньууларынан сибээстээн, тутууну түргэттэрэгэ быһаарбыттара.

Экспозицияны бары бюджетнай бырайыактарга көхтөөхтүк кыттар «Сахаэкспомамонт» ХЭТ тэрийиэҕэ. Түмүгэр экспозицияҕа 7 регион кыттара быһаарыллыбыта.

«Дальнай Восток уокуругун биир кэлим гына оҥорор санаа баара, ол эрээри сирбит иэнэ сэттэ учаастакка хайытарга кыаҕы биэрэр. Ол аата хас биирдии региоҥҥа биирдии. Республика сүрүн спонсорынан «АЛРОСА» АК буолар, онон экспозиция дизайныгар сүнньүнэн бриллиант мөссүөнэ туттуллуоҕа. Ол эрээри экспозицияҕа ханнык эмэ табаар бэлиэтэ эбэтэр бренд туттуллара көҥүллэммэт», - диэн эбэн эттэ Куликов.