Көрсүһүү төрүөтүнэн чааһынай урбаанньык урут куорат администрациятыгар киин куораты киэргэтиигэ бииргэ үлэлээһиҥҥэ этии киллэрбитэ буолла.

Предприниматель куораты тупсарыыга бэйэтин кылаатын киллэрэргэ баҕата олус улахан, кини сквердэри, уулуссалары уонна олбуордары киэргэтэргэ өҥө оҥорорго көҕүлүүр.

Баһылык бэйэтин бастакы солбуйааччытын Дмитрий Садовников уонна эппиэтинэстээх үлэһиттэр арыллааһыннарынан предприниматель үлэлиир сирин көрдө, баар бородууксуйаны уонна бииргэ үлэлээһин кыахтарын сыаналаата.

Кыра бизнес бэрэстэбиитэлин кытта сэлэһэригэр баһылык муниципалитет хаачыстыбалаах оҥоһуктары таһаарар, аныгы технологияны туттар уонна өҥө сыанатын наһаа үрдэппэт тэрилтэлэри кытта бииргэ үлэлииргэ болҕомтону туһаайда.

- Кэнники сылларга биһиги киин куораппыт биллэ тубуста, онно элбэх үлэ ыытыллар.

Биһиги бэйэбит өттүбүтүттэн маннык тэрилтэлэри, биллэн турар, өйүөхпүт, ол иһигэр муниципальнай сакаас быһыытынан, граннарынан көмөлөһүөхпүт. Предпринимателлэр бэйэлэрэ барыһы эрэ эккирэппэккэ, тустаах бизнестэригэр саҥа өрүттэри булан, бородууксуйа хаачыстыбатын үрдэтэргэ кыһаллыахтаахтар, - диэтэ Айсен Николаев.