Спорду сэҥээрээччилэр эстафетаҕа Дьокуускай тэрилтэлэрэ эрэ кыттар курдук саныыллар этэ. Ол эрээри араас сылларга куорат сүүрүктэрин кытта Чурапчы, Мэҥэ-Хаҥалас, Хаҥалас оройуоннарын аатырбыт сүүрүктэрэ илин-кэлин түһүспүттэрэ.

1971 сылтан ыла «Социалистическая Якутия» хаһыат редакцията кыайыылаахтары харчынан бириэмийэлиир. ССРС спордун маастара Артур Феофанов эстафета палочкатын биэс төгүл бастакынан аҕалан рекорд олохтообут киһи.  Василий Алексеев,  Александр Бугаев,  Нюргун Тимофеев , Альберт Попов  бу эстафетаҕа кыайыы көтөллөммүттэрэ.

1989 сыллаахха кыыс биэтэккэ субу кэлэн баран охтон түспүтүн түмүгэр кэнниттэн тилэх үктэһэн иһэр кыыс кыайыыга бастакынан кэлбитэ. Онон ол кыыс бэйэтин хамаандатыгар «Үрүҥ көмүс мэтээли» аҕалан турардаах.

Сыл-хонук суккуллан ааһар. Эстафета быраабылата араастаан уларыйар-тэлэрийэр. Ол эрээри 1944 сылтан ыла Кыайыыга дьулуур уҕараабат .