Кини Уус-Алдан улууһуттан төрүттээх, 2011 сыллаахха Дьокуускайдааҕы 31-с №-дээх оскуоланы бүтэрбитэ, Хабаровскайдааҕы экономика уонна быраап академиятыгар юристпруденция идэтигэр үөрэнэ киирбитэ. Чэпчэки атлетиканан сөбүлээн дьарыктанар.

Буолан ааспыт куонкуруска 17-тэн 20-гэр диэри саастаах Хабаровскай үөрэх кыһаларыгар Саха сирин профессиональнай үөрэхтээһиҥҥэ уонна кадрдары аттаран туруорар министиэристибэ чэрчитинэн үөрэнэр студенткалар кыттыбыттар.  

Бу сылга куонкурус финалыгар алта кыыс киирбит. Кинилэр бэйэлэрин туһунан билиһиннэриини, омуктарын таҥаһын, төрөөбүт тылларынан саҥаралларын, ыллаан, үҥкүүлээн көрдөрбүттэр. «Хардыы» Саха сирин ыччатын хамсааһына атын интэриэһинэй түһүмэхтэри бэлэмнээбиттэр. Ырыаларын тыыннаахтыы толорбуттар, оттон үҥкүүлэрин бэйэлэрэ, идэтийбит дьоно суох туруорбуттар. Куонкурс түмүгүнэн кыттыбыт кыргыттар  Попова Алена, Сароватская Мирослава, Контоева Нарыйаана, Ходьяло Ксения, Саркомова Майя бары аналлаах ааттарынан, сыаналаах бирииһинэн бэлиэтэммиттэр.

Бу куонкурс Хабаровскайга аан бастаан 2001 сыллаахха ыытыллыбыта. Онтон ыла үгэскэ кубулуйан, сылын аайы ыытыллар уонна сахалар ортолоругар олус биһирэнэр.