Америкаттан кэлбит идэтийбит суруналыыс профессиональнай этика, көҥүл уонна социальнай тиһиктэр сайдыыларыгар сыһыаннаан эттэ.  «Мин манна пресса көҥүлүн, биһиги көрдөрөр-иһитиннэрэр тиһиктэрбит хайдах үлэлииллэрин туһунан кэпсии кэллим. Хайа да түгэҥҥэ биһиги систиэмэлэрбитин тэҥниир санаам суох», - диэтэ СИА-ҕа  Эндрю Александр.

Америка суруналыыһа эппитинэн, кини дойдутугар көрдөрөр-иһитиннэрэр тиһиктэри правительство хонтуруоллаабатын кэриэтэ. «Биһиэхэ үлэлииргэ лицензия наадата суох. Өскөтүн сурунаалыыспын дэнэр буоллаххына, ол аата оннук. Эн суруналыыскын ааҕааччы сыаналыыр. Мин саныахпар, ити олус сөптөөх», - диэн кини эбэн эттэ.

ХИФУ информационнай политикаҕа управлениетын начальнига  Роман Мандзяк  аан дойдуга быһыы-майгы, АХШ уонна Россия салалталарын кытта сыһыан уустугуран турар кэмигэр маннык культурнай уопуту атастаһыы тоҕоостооҕун бэлиэтээн эттэ.

Суруналыыс Эндрю Александр университекка «Журналистская этика в эпоху мультимедийных СМИ» семинары уонна «Свобода информации в современном мире: тенденции, вызовы и решения» лекциялары ааҕыаҕа.