Икки күннээх сытыы оонньуулар түмүктэринэн дьахталларга бастакы бөлөххө Дарья Маркова (Дьокуускай), Валерия Баттахова (Ньурба), Анастасия Неустроева (Чурапчы) бириистээх миэстэлэри ыллылар. Иккис бөлөххө Ольга Калачикова (Бүлүү), Евдокия Староватова (Нам), Светлана Заусаева (Дьокуускай) үс бастыҥынан буоллулар.

Эр дьоҥҥо 40-гар диэри саастаахтарга сүүрбэ түөрт спортсмен оонньообутуттан Гаврил Элегяев (Үөһээ Бүлүү) кыайыылааҕынан таҕыста. Владислав Тимофеев (ХИФУ), Алексей Подрясов (Дьокуускай) иккис, үһүс буоллулар.

41-55 саастаахтар бөлөхтөрүгэр Дьокуускай теннисистэрэ Сергей Заусаев, Семен Павлов, Михаил Спиридонов миэстэлэстилэр.

56 үөһэ саастаахтар ортолоругар Аркадий Иванов (Уус-Алдан) бастаата. Пантелеймон Иванов иккис, Василий Данилов (иккиэн — Дьокуускайтан) үһүс миэстэлэри ыллылар.

Күрэхтэһии Александр Поликарпович Алексеев үөрэнээччилэрэ Алексей Попов, Сергей Чугунов, Евгений Попов, уо.д.а. көҕүлээһиннэринэн, киин куорат остуол тенниһигэр федерациятын (Василий Данилов) тэрийиитинэн ыытылынна. «Амма суола» хааччахтаммыт эппиэтинэстээх тэрилтэ (салайааччы Константин Слепцов), остуол тенниһигэр Амма улууһунааҕы федерация, «Электронный капитал» тэрилтэ, куорат маассабай физическэй культураҕа, спорка управлениета (Николай Цыпандин), куорат уокуруктааҕы дьаһалтата (Айсен Николаев) туруорбут анал бириистэрэ турнир бастыҥ оонньооччуларыгар туттарылыннылар.