- Икки күннээх күрэхтэһии түмүгүнэн 40-49 саастаахтарга Дьокуускайтан спорт маастарыгар кандидат Михаил Спиридонов, 50-59 — ССРС спордун маастарыгар кандидат Сергей Заусаев, 60-64 саастаахтарга Василий Данилов, 65-тэн үөһэ саастаахтарга Яков Старостин (Амма); дьахталларга Светлана Заусаева, Светлана Башарина, Елизавета Матвеева өрөспүүбүлүкэ чемпионнарынан буоллулар.
- Абсолютнай кыайыылаахтарынан Сергей Заусаев, Ольга Калачикова ааттаннылар.
- Остуол тенниһигэр өрөспүүбүлүкэтээҕи федерация толорооччу директора Василий Данилов СИА корреспонденыгар күрэхтэһии туһунан санаатын үллэһиннэ:
- «Бу чемпионакка күүстээхтэр бары кэриэтэ бааллар. Бэйэҕит да көрөн итэҕэйдэххит, сүрдээх сытыы оонньуулар буоллулар. Эдэрдэриттэн миннэрин билсибит, араас таһымнаах күрэхтэһиилэргэ кыттан буспут-хаппыт, теннис диэн баран, этэргэ дылы, муннукка ытаабыт дьон буоллахтара.
- Аҕам саастаах теннисистэрбит оонньуур таһымнара атын регионнардыын араа-бараа диэххэ сөп. Ааспыт ый ортотугар Уһук Илин уокурук чемпионатыгар сэттиэ буолан кыттан биир кыһыл көмүс, үс үрүҥ көмүс уонна биэс боруонса мэтээллээх эргиллибиппит да ону туоһулуур дии саныыбын.
- 60-64 саастаахтарга Владимир Петряков утарсааччыларын эрэллээхтик хотуталаан бастакы миэстэни ылла. Маны сэргэ Уус-Ньара спортсмена абсолютнайга иккис буолары ситистэ. Аркадий Иванов (Хатас) бөлөҕөр үһүс миэстэни ылла. Евдокия Староватова, Елизавета Матвеева пьедестал иккис, үһүс үктэллэрин дабайдылар. Пааранан оонньууга Е.Староватова- Е.Матвеева -- иккис, Иванов-Петряков, Иванов-Староватова, Любовь Бесчетнова (Нам, Саха сирэ) -Светлана Долгополова (Владивосток) үһүс бириистээх миэстэлэри ыллылар».
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети