Киин куорат физкультураҕа, спорка управлениета (Константин Бурцев), остуол тенниһигэр федерацията (Вячеслав Данилов) тэрийиилэринэн үтүө үгэскэ кубулуйан сыллата ыытыллар күрэхтэһиигэ быйыл 39 чөл олоҕу өрө тутааччы кытынна. Саастарынан эр дьон үс, дьахталлар биир бөлөххө наарданан күрэстэстилэр.

40-49 саастаахтар бөлөхтөрүгэр «Чолбон» комплекс инструктор-тренерэ, ССРС спордун маастарыгар кандидат Артур Слепцов кыайыылааҕынан таҕыста. 

50-59 саастаахтарга өрөспүүбүлүкэ элбэх төгүллээх чемпиона, ССРС спордун маастарыгар кандидат, предприниматель Сергей Заусаев бу да сырыыга тэҥнээҕин булбата.

60-тан үөһээ саастаахтар бөлөхтөрүгэр остуол тенниһигэр өрөспүүбүлүкэтээҕи федерация салайааччыта Василий Данилов бастыҥынан билинилиннэ.

Дьахталларга Евгения Винокурова пьедестал үрдүкү үктэлин дабайда.

Абсолютнай күрэхтэһиигэ Сергей Заусаев иннигэр кими да түһэрбэтэ.