Киэһээ Өксөкүүлээх Өлөксөй аатынан норуоттар доҕордоһууларын дьиэтигэр  «Раиса Захарова төрөөбүтэ 60 сылыгар «Мин хотугу тиитим» ырыанан олох сэһэнэ» диэн ахтыы киэһэтэ үгүс киһини түмтэ.

Киэһэни Раиса Яковлевна туһунан суруллубут элбэх кинигэ ааптара Альбина Тарабукина иилээн-саҕалаан тэрийэн ыытта. Киниэхэ «Солоҕон нэһилиэгэ» МТ баһылыга Дмитрий Семенов «Солоҕон нэһилиэгин Бочуоттаах олохтооҕо» бэлиэни туттарда.

Бу күн норуот тапталлаах ырыаһытын сүгүруйээччилэригэр саха эстрадатын ырыаһыттара, ону тэҥэ биһиги биир дойдулаахтарбыт Раиса Яковлевна ырыа гынан көтүппүт, уостан түспэт ырыаларын бэлэхтээтилэр, истиҥ-иһирэх тылынан ахтан-санаан аастылар.