Тэрээһин үөрүүлээх чааһыгар улуус баһылыга Николай Старостин «Мэҥэ-Хаҥалас үөрэҕириитин сайдыытыгар кылаатын иһин» түөскэ анньыллар бэлиэни Хаптаҕай орто оскуолатын музейын салайааччытыгар Валентин Захаровка, «Эбии үөрэхтээһин киинин» педагогар Августина Владимироваҕа туттарда. Улуус дьаһалтатын грамотатынан Бэдьимэ орто оскуолатын директорын солбуйааччы Луиза Харитонова, Бэдьимэтээҕи оҕо саадын иитээччитэ Варвара Аргунова, Бочуотунай грамотанан Ф.Г.Охлопков аатынан Майатааҕы орто оскуола нуучча тылыгар уонна литературатыгар учуутала Любовь Гоголева уо.д.а. наҕараадаланнылар.

Ил Түмэн Государственнай мунньах Бочуотунай грамоталарын дьиэ кэргэн, оҕо, ыччат дьыалаларыгар, физическэй культураҕа, спорка сис комитетын бэрэссэдээтэлэ Юрий Баишев Майатааҕы лицей иитээччитигэр Анна Сергучеваҕа, Төҥүлүтээҕи «Олимпионик» оҕону сайыннарар киин хаһаайыстыбаннай чааһын сэбиэдиссэйигэр Анастасия Скрябинаҕа, Дьабыыл орто оскуолатын ветеран учууталыгар Варвара Петроваҕа туттартаата.

СР Правительствотын Махтал суругунан В.П.Ларионов аатынан Майатааҕы орто оскуола математикаҕа учуутала Изабелла Андреева, Табаҕа орто оскуолатыттан педагогическай үлэ ветерана Ананий Бурнашев, Тиэлиги орто оскуолатыттан педагогическай үлэ ветерана Галина Свинобоева, «СР ыччакка политикатын туйгуна» бэлиэнэн Майатааҕы «Кэскил» киин директора Мотрена Птицына наҕараадаланнылар.

Бу күн СР үөрэҕин министрэ Феодосия Габышева ытыс тыаһынан доҕуһуоллатан «СР учууталларын учууталлара» ааты Майатааҕы лицей интэрнээтин иитээччитигэр Агафья Шахурдинаҕа, «РФ уопсай үөрэхтээһинин бочуоттаах үлэһитэ» ааты Хаптаҕай орто оскуолатын нуучча тылыгар уонна литературатыгар учууталыгар Мария Самсоноваҕа, Майатааҕы киэһээҥи оскуола директорыгар Захар Сидоровка, Аллараа Бэстээх 2-с оскуолатын технологияҕа учууталыгар Антонина Дмитриеваҕа, үөрэх управлениетын начальнигын солбуйааччы Николай Тарасовка, «СР үөрэҕириитин туйгуна» бэлиэни Чыамайыкы оскуолатын физкультураҕа учууталыгар Оксана Куприяноваҕа, улуустааҕы үөрэх управлениетын салайааччыта Михаил Колмаковка уо.д.а. туттартаата.

Оройуоннааҕы үөрэх управлениетын начальнига Михаил Колмаков «Мэҥэ-Хаҥалас улууһун үөрэҕириитин эйгэтигэр ураты үтүөлэрин иһин» үрүҥ көмүс бэлиэни Ороссолуодаттан педагогическай үлэ ветераныгар Анна Афанасьеваҕа туттарда.

Дьоро киэһэҕэ РФ Государственнай Думатын депутата Михаил Николаев сүбэһитэ, биир дойдулаахпыт Матвей Мучин уонна үөрэҕирии үлэһиттэрин квалификацияларын үрдэтэр институт директора Галина Алексеева кыттыннылар.

Оскуолалар дириэктэрдэрэ, оҕо саадтарын сэбиэдиссэйдэрэ, үөрэҕирии эйгэтин ветераннара, педагогическай үлэһиттэр театр саалатыгар толору мустаннар бэртээхэй кэнсиэри астына-дуоһуйа көрдүлэр. Кэнсиэри улуус улахан педагогическай коллективын эдэр талааннаах үлэһиттэрэ сыллата «Культура уонна спорт» эстафетатыгар көхтөөхтүк кыттар буоланнар, эстрада сулустарыттан туох да итэҕэһэ суох ырыанан-тойугунан, үҥкүүнэн-битиинэн киэргэттилэр. Кинилэр ортолоругар: Төҥүлүтээҕи «Ой дуораана» вокальнай ансаамбылга араас кэмҥэ дьарыктаммыт ыччаттара, Гоша Васильев ‒ Saasustar, Иннокентий Лебедев, М.К.Попова аатынан Майатааҕы музыкальнай оскуола иитиллээччилэрэ Галя Христофорова, Катя Ноговицына, Саша Тумусов, Моорук орто оскуолатын «Оһуор» муода студиятын, Аллараа Бэстээх 2-с нүөмэрдээх оскуолатын «Тэтим» үҥкүү бөлөҕө уо.д.а. кыттыыны ыллылар.