Конституция Россия саҥа тутулун былаана буолбута диэн бу тэрээһин бэрэссэдээтэлэ, Саха сирин вице-президенэ Дмитрий Глушко эттэ.

Вице-президент этэринэн, Конституциияны ылыныы дойду сайдыытын түргэтэппитэ: «Кыһалҕалар бааллара уонна бааллар, ол эрээри дойду уонна республика олоҕор үтүө хамсааһыннар буолбуттарын мэлдьэһэр кыахпыт суох. Биһиги саҥа общественнай-политическай тутуу төрдүн олохтоотубут».

Конституция ылыллыаҕыттан ааспыт 20 сыл, Россия норуоттарын суверенитетын уонна бөҕө буолуутун көрдөрдө.

Ону таһынан, республика Конституционнай суутун бэрэссэдээтэлэ Дмитрий Миронов этэринэн, Конституция сэбиэскэй кэм хамаандалыыр-нормативнай экономикатыттан босхолонорго көмөлөстө.

«Ханнык баҕарар конституция — баар чахчыны эрэ көрдөрбөт, туохха дьулуһууну мэктиэлиир», - диэн бэлиэтээтэ Россия Федерациятын юстициятын Министерствотын управлениетын начальнига Ольга Николаева.

Ону таһынан Ил Түмэн I ыҥырыылаах мунньаҕын бэрэссэдээтэлэ Егор Ларионов, республика парламента государственнай тутулун кэмитиэтин бэрэссэдээтэлэ Алексей Еремеев тыл эттилэр.

Тэрээһин бүтүүтүгэр ДьГНГА 10 кылааһын үөрэнээччитэ Артем Кириллов эдэр күөлүөнэ аатыттан тыл эттэ.

Үөрүүлээх мунньах түмүгэр Саха сирин вице-президенэ Дьокуускай куорат оскуолаларын аҕыс үөрэнээччилэригэр паспордары туттарда.