Чурапчы улууһуттан 2170 киһи сэриигэ ыҥырыллан барбыта. Онтон  975 киһи дойдуларыгар эргиллибэтэҕэ, 117 киһи сураҕа суох сүппүтүнэн биллэриллибитэ.

Ахтыы киэһэтигэр Чурапчы оройуонуттан төрүттээх 9 сураҕа суох сүппүт буойун аата ааттанна: Корякин Никита Иванович, Елисеев Егор Петрович, Андросов Семен Сидорович, Пестерев Семен Петрович, Родионов Илья Григорьевич, Оконешников Лука Васильевич, Сокольников Иосиф Тарасович, Лукин Иван Иннокентиевич, Федоров Афанасий Филиппович 

Ахтыы киэһэтин Чурапчы улууһун ветераннарын уонна пенсионердарын бэрэссэдээтэлэ Матвеева Мотрена Николаевна тыл этиитинэн саҕалаата. Тэрээһиҥҥэ Чурапчытааҕы колледж устудьуоннара, С.А. Новгородов аатынан Чурапчы орто оскуолатын 6 ”а” кылааһын үөрэнээччилэрэ, Чурапчы нэһилиэгин эдэр ыччатын түмсүүтэ кыттыыны ыллылар.

Федоров Афанасий Филиппович ыччаттара, сиэннэрэ, хос сиэннэрэ, улуустааҕы библиотечнай ситим сэбиэдиссэйэ Платонова Вера Апполоновна аймахтарынаан эһэлэрин туһунан ахтыы оҥорбуттара тэрээһини өссө дириҥ суолталаата.

«Дипломай үлэбин туруорарбар күүс-көмө буолбут А5а дойду Улуу сэриитин кыттыылааҕар, П.А. Ойуунускай аатынан Саха Республикатын Государственнай бириэмийэтин лауреатыгар, Саха АССР үтүөлээх учууталыгар Иван Михайлович Павловка, Иван Иванович Гулькоҕа, Иван Терентиевич Пономаревка,  Чурапчы нэһилиэгин “Маарыкчаан”  эдэр ыччат түмсүүтүгэр, С.А. Новгородов аатынан Чурапчы 1 №-дээх  орто оскуолатын 6 “а” кылааһын үөрэнээччилэригэр, “Айылгы” Культура киинин үлэһиттэригэр, “Айыллаан” сынньалаҥ киинин коллективыгар дириҥ махталбын тиэрдэбин”, – диэн эттэ Петр Дьяконов.