Буойун кырамтата көстүбэтэҕинэн, буомба эстиитигэр түбэспит диэн сабаҕалыыллар. Итинник элбэх буойун киэнин булбуттар үһү.

«Саҥа олох» холкуостаахтара Егор, Евдокия Оконешниковтар биэс уоллаахтарыттан түөртэрин - Василийы, Николай I, Николай II, Егору сэриигэ атаарбыттара. Кинилэртэн кыра Ньукулай эргиллибэтэх, 1943 с. сураҕа суох сүппүтүн туһунан биллэриини туппуттар.

Николай 1916 с. төрөөбүт, сэриигэ барыан иннинэ холкуоска үлэлээбит, кэргэннэнэ сылдьыбыт да, оҕолоро суох эбит. Биһиэхэ кини туһунан Павловскайтан Оконешниковтар улахан уоллара Прокопий кийиитэ Людмила Кирсановна Оконешникова иһитиннэрбитэ. Прокопий сааһынан ыҥырыыга хапсыбатах.

Николайы дьоно-сэргэтэ Бэһэккэ диэн аатынан билэр эбит. Хаартыскатын аймахтара ууруна сылдьаллар. Онон буойун медальона 70-тан тахса сыл буолан баран көстүбүтэ аймах-билэ дьонугар соһуччу үөрүүнэн буолла.