Ааспыт сайын Хаҥалас улууһугар сүппүт кыргыттар Аяна Винокурова уонна Алина Иванова иккиэн 2009 сыллаах төрүөхтэр. Сиинэҕэ эбэлэригэр ыалдьыттыы кэлбиттэр. 2013 сыл бэс ыйын 24 күнүгэр кинилэр аймахтарын дьиэтин таһыгар оонньуу сылдьан сүтэн хаалбыттар. Дьон бөҕө көрдөөбүтэ эрээри, ити туох да түмүгү биэрбэтэҕэ. Күн бүгүҥҥэ диэри өлүктэрэ да көстө илик.

Бэҕэһээ Whats`App ситиминэн кыргыттар биирдэстэрин эһэтэ силиэстийэлиир кэмитиэккэ кэлэн буруйун билиммитин туһунан сурах тарҕаммыт. Онно кини массыынан сылдьан, оҕолору көрбөккө тэбистэрбитин туһунан билиммит дэнэр. Накаастабылтан куттанан, оҕолор өлүктэрин кистээн кэбиспит курдук кэпсииллэр.

Силиэстийэлиир кэмитиэт салайааччыта Олег Мезрин этэринэн, Гаврил Иванов (1968 сыллааҕы төрүөх) билигин буруйданааччы да, уорбаланааччы да буолбатах. Кини, кырдьык, силиэстийэлиир уорганнарга кэлэ сылдьыбыт. Кэлин допрос кэмигэр кырбаммытын курдук сурах тарҕаммыта. Ол эрээри, Мезрин этэринэн, ити сымыйа. Иванов силиэдэбэтэлгэ кэлиэн иннинэ кырбаммыт, ону допрос иннинэ хаартыскаҕа түһэрбиттэр. Бэйэтэ да быраабы араҥаччылыыр уорганнар үлэһиттэрэ кинини тыыппатахтарын туһунан эппит. Допрос түмүгүнэн бэрэбиэркэ барар.