Бүгүн, олунньу 10 күнүгэр, РФ Силиэстийэлиир кэмитиэтин Саха сиринээҕи управлениетаын салайааччыта Олег Мезрин суруналыыстарга иһитиннэрбитинэн, бу дьыаланы силиэстийэлээһин ааспыт сыл ахсынньы ыйыгар тохтотуллубут. Бу ураты ыар буруйу оҥорууга уорбаланааччы кимин кыайан быһаарбатахтарынан сибээстээн.

Олег Мезрин этэринэн, силиэстийэлиир дьайыылар оҥоһуллан бүппүттэр, биэрсийэлэри барытын бэрэбиэркэлээбиттэр, доппуруостаныахтаах дьону барыларын хастыыта эмит доппуруостаабыттар. Билигин полиция оперативниктара буруйу оҥорууга сыһыаннаах киһини көрдүүллэр. Дьыалаҕа суолталаах ханнык эмит иһитиннэрии, чахчы билиннэр эрэ, силиэстийэлээһин хат сөргүтүллэр.