Уол сүппүтэ бэһис күнүгэр төрөппүттэрэ кинилэр уолларын туһунан иһитиннэрии биэрбиттэргэ 300 тыһ.солк. биэриэх буолан эрэннэрбиттэрэ.

Дьулус Тагров алтынньы 19 күнүгэр 04.00 чааска Томскай куорат, 41- гэр баар пабтан тахсыбыт. Хараҥа халаан күөҕэ кууркалааҕа, спортивнай ыстааннааҕа, хара бэргэһэлээҕэ уонна хара сүгэр суумкалааҕа. Сирэйэ монголоиднай тииптээх, хара харахтаах, хара баттахтаах. Бу кэмтэн ыла кини дьонун кытта сибээһэ быстыбыт.

Уолу көрдүү аҕата Томскай куоракка тиийбитэ. "Биһиги язычниктар, бити-билгэни итэҕэйэбит. Саха ойууна уолбут даачалар тастарыгар, күөл кытыытыгар, муоста аннараа өттүгэр баар диэбитин итэҕэйэммин биэрэк устун сылдьабын», - диэбитэ кини.

"Чэппиэргэ, алтынньы 23 күнүгэр Томскай Макрушин аатынан уулуссатыгар баар ботаническай сад сиригэр баар ууга уол өлүгэ көһүннэ. Өлүккэ күһэйии суох", – диэн силиэстийэлиир управление иһитиннэриитигэр суруллар.

Билигин силиэдэбэтэллэр быһылаан буолбут сирин көрөллөр-истэллэр, уол туох төрүөттэн өлбүтүн быһаарар туһугар суут-медицина экспертизата ананна.

Бэрэбиэркэ түмүгүнэн холуобунай дьыала тэриллэрэ дуу, тэриллибэтэ дуу быһаарыллыаҕа.