"Төһө да бэйэ-бэйэбититтэн тэйиччибит, ыраахпыт иһин, Саха сирэ уонна биһиги уокурукпут олус майгыннаһаллар. Тутууга уонна сылгыны иитиигэ Саха сириттэн уопут атастаһа, бэриһиннэрэ кэллибит. Бу сырыыбытыгар көрдөрө буобакка, биир үксүн бэйэбит көрө, билсэ кэллибит. Уопуту атастаһыыттан ордук сыаналаах туох да суох», - диэтэ Алексей Ситников.

Муус устар 15 күнүгэр республика бырабыыталыстыбатын делегацията Салехард куоракка тиийэ сылдьыбыта. Онно хоту сир табатын иитии боппуруостара көтөҕүллүбүттэрэ. Манна буолбут мунньахха Ямал табаны иитээччилэрин сэбиэтэ уонна республика табаһыттарын ассоциацията дуогабар түһэрсибиттэрэ.

"Саха сиригэр кэлбит делегация Мииринэй оройуонугар Чернышевскай бөһүлэгэр тиийэн балыгы астыыр собуот уопутун билсиэхтээх. Республиканы хайдах сайыннарарабытын, салайыыга сыһыаммытын көрдөрүөхпүт. Ити сыһыан Ямалга чыҥха атын. Кинилэр да, биһиги да бэйэ-бэйэбититтэн үөрэнэрбит элбэх", - диэтэ Саха сирин федеративнай сыһыаҥҥа уонна тас сибээскэ миниистири бастакы солбуйааччы  Михаил Куликов.