Министиэристибэлэр, биэдэмистибэлэр салайааччылара, Дьокуускай куорат дьаһалтата, уопсастыбаннай, бэтэрээннэр хамсааһыннарын, холбоһуктарын бэрэстэбиитэллэрэ кэллилэр. 

Тэрээһиҥэ тыл эппиттэр дойдуларын туһугар сэриигэ олохторун кэрэйбэтэх дьону өйдүүр-саныыр ытык иэстээхпитин бэлиэтээн эттилэр.

«Өйдөбүнньүк чүмэчитэ» бүтүн Россия үрдүнэн ыытыллар акция Саха сирин киин куоратыгар эрэ буолбакка, республика бары улуустарыгар ыытыллар. 2012 сыллаахха 3000, онтон 2013 сыллаахха 8000 куорат олохтооҕо бу тэрээһиҥҥэ мустубут.

Санкт-Петербург куоракка 2009 сыллаахха бу акцияны аан бастаан тэрийбиттэрэ. Ити кэмтэн ыла бу көҕүлээһини үгүс куораттарга өйөөбүттэрэ. Дьокуускай кыттааччытын ахсаанынан Россияҕа куруук инники күөҥҥэ сылдьар.