ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт

Похожие новости

20 мая 2014, 11:41

Спортиҥҥа аан дойду чемпиона Айаал Макаров Липецкэй куоракка буолбут күрэхтэһиигэ иккис миэстэни ылла


«Липецкий Металлург» комплексыгар спортиҥҥа Россия Кубогын бастакы түһүмэҕэ түмүктэннэ. GOROD48 этиллэринэн, күрэхтэһиигэ уопсайа 140 спортсмен, ол иһигэр 2013 сыллаахха аан дойду чемпиона ааты ылбыт Айаал Макаров баар.

Аан дойдуга албан аатырбыт чемпион Липецкэйгэ буолбут турниры кыайбата. Кини көтөр 200 тэриэлкэттэн 183 таба ытта, инньэ гынан иккис миэстэни ылла.

Эр дьоҥҥо Москва «Индустрия» СКМ бэрэстэбиитэлэ Дмитрий Ильченко 188 очкону ылан, чемпионнаата. Оттон үһүс бириистээх миэстэни Брянскай бэргэн ытааччыта Александр Лубяный ылла.

Дьахталлар ортолоругар  Наталья Колячко (СК «Тольятти-Спортинг») - 200-тэн 153 очкону ылан, бастыҥын дакаастаата,  Любовь Григорова («Липецкий Металлург») - 147 ахсааны ылан, үрүҥ көмүс, оттон 138 тэриэлкэни таба ыппыт Наталия Ярикова (СК «Брянск») боруонса мэтээллэннилэр.

Хамаанданан 600-тэн үһүөн 504 ахсааны ылбыт «Брянскай» СК (Александр Лубяный, Игорь Романов, Константин Чувальский) кыайыы көтөллөннө. Иккис миэстэҕэ тиксибит «Индустрия» СКМ ( Дмитрий Ильченко, Владислав Кондратов, Максим Калиничев) - 513 очколаах. Оттон 503 ахсааны ылбыт НФС сүүмэрдэммит хамаандата үһүс буолла (Айаал Макаров, Степан Чепалов, Константин Макаров).



При частичном или полном использовании материалов гиперссылка на сайт ysia.ru обязательна.
Категория: Спорт Просмотров: 3621 Источник: ЯСИА Автор: СИА Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ