«131 672 оскуолаҕа үөрэнэр оҕоттон 12 616 оҕо арктикаҕа уонна хоту сиргэ олороллор. Кулун тутарга, муус устарга оҕо сайыҥҥы сынньалаҥын тэрийэргэ анаан улуустарга уопсайа 167 мөл. солк. субсидия быһыытынан ыыппыппыт. Ол иһигэр 13 хоту улууска 21 мөл. 142 тыһ. солк.», - диэтэ Ольга Яшина.  Быйыл эбии үбүлээһин 10% үрдээбитин кини эбэн эттэ.  

Хоту сиргэ олохтоох оҕолор сынньалаҥнарын тэрийиигэ уонна кинилэр доруобуйаларын чэбдигирдиигэ 17 мөл. 423 тыһ. солк. көрүллүбүт. Онно оҕолору таба ыстаадатыттан аҕалыы киирэ сылдьар. Муниципальнай бас билиигэ баар стационарнай лааҕырдары өрөмүөннүүргэ сыл аайы 10 мөл. солк. субсидия бэриллэр. Быйыл итинтэн 3 мөл. 096 тыһ. солк. Үөһээ Дьааҥы, Муома, Кэбээйи уонна Өймөкөөн улуустарыгар анаммыт.

Хара муораҕа республикаттан сынньана барар оҕолортон элбэх оҕону хоту улуустартан ыыта сатыылларын Ольга Яшина эттэ.  
Елена Голомарёва министиэристибэ хоту сир оҕолорун өйүүргэ былааннаахтык уонна ыкса ситимнээхтик үлэлиирин иһин махтанна. «Оҕо сайыҥҥы сынньалаҥын тэрийиигэ, доруобуйатын туругун тупсарарыгар анаммыт үп-харчы миэстэтигэр аналынан туттулларын бэрэбиэркэлиэхпит», - диэтэ кини.