Өлүөнэ өрүс пароходствота (ЛОРП) Арктика улуустарыгар таһаҕаһы тиэрдиини хааччыйар соҕотох флот буолар. Соторутааҥҥы кэмҥэ диэри пароходство (ЛОРП) акциятын 25,5% республика бас билиитигэр, эмиэ бачча өлүүнү федеральнай киин ылара. Акция онтон атына чааһынайдарга баара.

Москва акцияларга бэйэтин ирээтин атыылаары гыммыта. Биллэн турар, чааһынайдар барыһы эрэ сомсон ылар баҕалаахтар. Оттон государство дьон олоҕун сөптөөхтүк хааччыйыыны инники күөҥҥэ тутар. Онон акция хонтуруоллуур пакетын государство бас билиитигэр хааларыгар Саха сирэ улахан интэриэстээх. Үөһэ этиллэр пароходствоны хонтуруоллааһын стратегическай өттүнэн улахан суолталаах түгэн. Егор Борисов уонна республика правительствота үс сылтан ордук кэм устата бу туһунан федеральнай киини кытта кэпсэтиһиини, ырытыһыыны ыыппыттарын түмүгэр Егор Афанасьевич биһиги дойдубут уратытыгар Москваны итэҕэттэ. Онон федеральнай киин ЛОРП акцияларын приватизациялыыртан аккаастанна уонна республикаҕа биэрдэ. Федеральнай киин бэйэтин акцияларын республикаҕа биэрбитин кэнниттэн тэрилтэ акцияларын хонтуруоллуур пакета Саха сиригэр бэрилиннэ. Сорох чааһынай дьон пароходство баайын-дуолун республика тас өттүгэр таһаарар санаалара тохтуоҕа. Өрүс пароходствотын (ЛОРП) аны республика хонтуруоллуоҕа.

СИА бу туһунан дьон-сэргэ туох санаалааҕын ыйыталаста.

Видеоыйытыгы көр.