«67 эр киһи, 68 дьахтар, 84 оҕо, 11 пенсионер кэллэ. Сайабылыанньа киллэрбит дьон ахсаана 64 киһи», - диэн СИА-ҕа олохтоох дьаһалтаттан эттилэр.

Украинаттан куота кэлбит дьоҥҥо көмөлөһөр туһунан мунньахха үлэ, социальнай сайдыы миниистирэ Алексей Дьячковскай, дьарыктаах буолуу республикатааҕы киинин салайааччыта  Александр Дружинин, ЫБММ кылаабынай управлениетын начальнигын солбуйааччы  Роман Платонов, Нерюнгри оройуонун баһылыга Андрей Фитисов, нэһилиэктэр баһылыктара, социальнай сулууспалар, хонтуруоллуур уорганнар үлэһиттэрэ, о.д.а. кытыннылар.

Тыаҥаһыннаах кэмҥэ психологическай, медицинскэй, о.д.а. көмөнү оҥорууну дьүүллэстилэр.

«Куотан кэлбиттэри олохсутуу, кинилэргэ куттал суох буолуутун хааччыйыы, үлэ булан биэрии, докумуоннарын толоруу боппуруостарын олохтоох дьаһалта ураты болҕомтотун киинигэр ылла», - диэтэ оройуон баһылыга.